Tälviolympialiih 1948

Ive 1948 tälviolympialiih (ranskakielân V^es Jeux olympiques d'hiver; saksakielân V. Olympische Winterspiele; italiakielân V Giochi olimpici invernali; retoromaankielân V Gieus olimpics d'enviern) lâi 5. kerdi ko tälviolympialiih uárnejuvvojii já nubbe kerdi ko toh uárnejuvvojii Sankt Moritzist Sveeicist. Tälviolympialiih tuállojii uđđâivemáánu 30.–kuovâmáánu 8. peeivij 1948.

Šlaajah

Valastâlleeh kištottâllii 22 tábáhtusâst 9 šlaajâin. Ohjelmlistoost lijjii čuávuvááh šlaajah:

Staatah

Fáárust 669 valastâlled 28 enâmist. Valastâllein 592 lijjii almaah já 77 nisoneh.

Chile, Island, Korea, Libanon ja Tanska uásálistii vuossâmuu keerdi tälviolympialáid. Argentiina maacâi taan ive tälviolympialáid; moonnâm tove lâi ive 1928 tälviolympialáid.

Saksa já Jaapaan iä uážum uásálistiđ taan ive tälviolympialáid nubbe maailmsuáđi keežild, mut Italia kuittâg uážui. Ive 1940 Sovjetlitto volliittij Eestieennâm, Liettua já Latvia, mondiet toh iä šat uásálistiđ tälviolympialáid jiečânâs staattân ovdil ive 1992 tälviolympialiih. Ij Australia ige Luxembourg uásálistám taan ive tälviolympialáid, veikkâ uásálistii ive 1936 tälviolympialáid.

Miitaaltavlustâh

Válduartikkâl: Ive 1948 tälviolympialij miitaaltavlustâh

Puoh enâmustáá mitalijd – 10 mitalid – vuoittii Taažâ, Ruotâ já Sveeici valastâlleeh. Taažâ já Ruotâ valastâlleeh vuoittii kuittâg nelji kollemiitaal, ko Sveeici valastâlleeh vuod tuše kulmâ.

Saje	Eennâm	Kolle	Silbâ	Pronssi	Ohtsis
1.	Taažâ	4	3	3	10
1.	Ruotâ	4	3	3	10
3.	Sveicci*	3	4	3	10
4.	Ovtâstum staatah	3	4	2	9
5.	Ranska	2	1	2	5
6.	Kanada	2	0	1	3
7.	Nuorttâriijkâ	1	3	4	8
8.	Suomâ	1	3	2	6
9.	Belgia	1	1	0	2
10.	Italia	1	0	0	1
11.	Tšekkoslovakia	0	1	0	1
11.	Uŋgar	0	1	0	1
13.	Stuorrâ-Britannia	0	0	2	2
Ohtsis (13 enâmid)		22	24	22	68