Saksa

Saksa littotäsiväldi Bundesrepublik Deutschland (saksakielân)
lippu	vaakun
Saksa sajadâh Euroopist
Staatâhäämi	littotäsiväldi

Littopresident	Frank-Walter Steinmeier
Littokansler	Olaf Scholz

Uáivikaavpug	Berlin

Virgáliih kielah	saksakielâ

Vaaluut	euro (EUR)

Äigi	UTC+1
– kesiäigi	UTC+2

Uánádâs	DE, DEU
– fiävruin	D
– kirdemmašinijn	D

Sundenummeer	+49

Internet TLD	.de

Motto	Einigkeit und Recht und Freiheit

Aalmuglâšlaavlâ	Deutschlandlied

Saksa^[1] (saksakielân Deutschland) teikkâ Saksa littotäsiväldi^[1] (saksakielân Bundesrepublik Deutschland) lii jiečânâs littotäsiväldi Koskâ-Euroopist. Ton uáivikaavpug lii Berlin.

Historjá

Saksa já Euroop union

Saksa littotäsiväldi lii ohtâ staatâin, moh vuáđudii Euroop union ive 1952. Ko Saksah ovtâstuvvii roovvâdmáánu 3. peeivi 1990, te meid Nuorttâ-Saksa seervâi Euroop unionân uássin ovtâstum Saksa.

Saksa lii kuullâm eurokuávlun jo kuávlu vuáđudem rääjist ađai uđđâivemáánu 1. peeivi 1999 rääjist.

Eennâmtiätu

Saksa vijđodâh lii 357 022 km², mast 8 350 km² lii čääci. Vijđoduv mield Saksa lii maailm 64. stuárráámus staatâ.^[2]

Sajadâh já rääjih

Saksa lii littotäsiväldi Koskâ-Euroopist. Ton ránnjástaatah láá tavveen Tanska, nuorttân Puola já Tšekki, maadânuorttân Nuorttâriijkâ, mäddin Sveicci, maadâviestârist Ranska já viestârist Belgia, Luxemburg já Vuáládâhenâmeh. Saksaast staatârääjih láá ohtsis 3 694 km.^[2] Kuhemus rääji lii rääji Nuorttâriijkâin, mii lii 801 km.^[2] Uánihumos rääji vist lii 128 km rääji Luxemburgáin.^[2] Saksa rájášuvá mäddin Alppáid, taveviestârist Tavemeerân já tavenuorttân Nuorttâmeerân. Merâriddo lii ohtsis 2 389 km.^[2]

Ránnjástaatâ	Rääji kukkodâh	Kárttá
Tanska	140 km
Puola	447 km
Tšekki	704 km
Nuorttâriijkâ	801 km
Sveicci	348 km
Ranska	418 km
Belgia	133 km
Luxemburg	128 km
Vuáládâhenâmeh	575 km

Ekonomia

Ráhtulâšvuotâ

Saksa lii Euroop tehálumos ráhtulâšvuotâeennâm. Autoráhtulâšvuotâ kulá Saksa tehálumosáid ráhtulâšvuođâsuorgijd stäli-, elektroniik- já talhâsráhtulâšvuođâ lasseen. Mercedes-Benz, Volkswagen já BMW láá saksaliih automeerhah.

Viehâdâh

Ässeeloho

Saksaast láá paijeel 84 miljovn ässed. Ässeelovo mield Saksa lii Euroop kuálmádin stuárráámus eennâm Ruošâ já Tuurki maŋa já Euroop union stuárráámus.

Fáádást eres soojijn

Wikimedia Commonsist láá koveh teikkâ eres tiätuvuárháh fáádást Saksa.

Käldeeh

↑ ^a ^â Geografiija:Duiska Kielâkäldee. 16.1.2023. Čujottum 22.6.2024. (maŋgáid kieláid)
↑ ^a ^â ^b ^c ^č Germany The World Factbook. Čujottum 22.12.2024. (eŋgâlâskielân)

[termiwiki-1] â Geografiija:Duiska Kielâkäldee. 16.1.2023. Čujottum 22.6.2024. (maŋgáid kieláid)

[cia-saksa-2] â ^b ^c ^č Germany The World Factbook. Čujottum 22.12.2024. (eŋgâlâskielân)

[1]

[2]