Cha cha cha (Käärijä pittá)
Cha cha cha lii syemmilâš musikkár Käärijä pittá, mii almostui uđđâivemáánu 17. peeivi 2023.[1][2] Tain pittáin sun vuoitij ive 2023 Uđđâ muusik kišto[3] já tain sun oovdâst Suomâ ive 2023 Euroviisuin Liverpoolist, Ovtâstum kunâgâskoddeest.[4][5]
Pitá vuáđutiäđuh mute
Cha cha cha lii suomâkielâg pittá, mon lávlu syemmilâš musikkár Käärijä. Pitá láá sannim Käärijä, Aleksi Nurmi já Johannes Naukkarinen.[6] Nurmi já Naukkarinen lává meid nuottim pitá.
Käärijä muštâl, ete 2 min 55 sek pištee pittá lii aargâ vájáldittem rämidemlaavlâ.[7] Ráp-pittá lii finnim vaikuttâsâid elektropopist já meetaalmuusikist já eromâšávt Käärijä mielâmuusikjuávhust, meetaaljuávhust Rammsteinist.[8]
Almostittem mute
Pitá almostittii Warner Music Finland já Monsp Records uđđâivemáánu 17. peeivi 2023 njuolgist muusikpalvâlussáid neetist.[9] Čuávuváá peeivi pittá almostui meid Uđđâ muusik kišto YouTube-kanavast já Yle Areenast viđâdin finalistij pittáin.[10][11][12] Stivrejeijee Heikki Slåen YouTube-videost uáinojeh pitá suomâkielâg säänih já eŋgâlâskielâg jurgâlus.[11]
Euroviisuh-lávlumkišto YouTube-kanavast pittá já ton muusikvideo almostuvvii vuossâmuu keerdi kuovâmáánu 26. peeivi 2023, ko tobbeen almostui video Käärijä lávdástâlmist ive 2023 Uđđâ muusik kišto finalist.[13] Pitá virgálâš Euroviisuh 2023 -muusikvideo almostui maŋeláhháá.
Vuástáväldim mute
Cha cha cha debytistij Suomâ virgálâš liiston nube saajeest.[14] Oho Uđđâ muusik kišto maŋa pittá lâi Suomâ virgálâš listo njunošsaajeest já Suomâ radiosuáittulisto kuálmád saajeest.[15] Vyesimáánu 6. peeivi räi pittá lii lamaš jo 15 okkod virgálâš listoost já 16 radiosuáittulistoost, Island Plötutíðindi-listoost jo 8 okkod já Ruotâ listoost 2 oho.[15][16]
Jo almostittempeeivi pittá rikoi maaŋgâid ulâttâsâid, ko tom kuldâlii 147 000 kerdid nettimuusikpalvâlusâi peht sehe keččii já kuldâlii 225 000 kerdid YouTubest já 500 000 kerdid Yle Areenast.[17] Tieđettemniävuin já Euroviisui fanij siijđoin pittá lâi jo ovdil fiinaal munejiellâh.[4][18][19][20][21]
Helsingin Sanomat toimâtteijee Juuso Määttänen mielâst piitán láá ovtâstittum ráp-, pop-, rock- já elektromuusik hiäivulávt jolâs vuovvijn.[22] Sun meid pahudij, ete puoh kištopittáin tot lii sehe vájálduumettummus já epitáválumos já ete tot luhostui pyeremusávt.[23]
Uđđâ muusik kištoost mute
- Válduartikkâl: Uđđâ muusik kišto 2023
Käärijä lávdástij kuálmádin UMK-finalist, mii uárnejui Tuurku Logomost kuovâmáánu 25. peeivi 2023. Láávdástmân kullii kyermilyeveh (nk. eurolyeveh) já čuovjisruopsis pihtâsáid kárvudâttâm cha-cha-tánssájeijeeh.[24] Käärijä vuod lâi kárvudâttâm siämmáá neonruánáá boleron, mii sust lâi muusikvideost.[25]
Cha cha cha -pittáin Käärijä vuoitij ive 2023 Uđđâ muusik kišto aaibâs čielgâsávt. Sun finnij ohtsis 539 čyegisid, mii lâi 387 čyegisid eenâb ko tot, maid Portion Boys finnij pittáin Samaa taivasta katsotaan.[22] 387 čuággá iäruttâs lii táássáš ulâttâs; ovdebâš ulâttâs šoodâi ive 2021 Uđđâ muusik kišto, ko Blind Channel finnij pittáin Dark Side 371 čyegisid eenâb ko nube sajan olláám Teflon Brothers já Pandora.[22][26] Blind Channelist lii vala-uv olesčyegisloho ulâttâs, ko muusikjuávkku finnij ive 2021 Uđđâ muusik kištoost 551 čyegisid.[22][26]
Täin 539 čuággáin, mon Käärijä finnij finalist, 72 pottii aalmugijkoskâsijn raađijn já 467 kuldâleijein já keččein. Aalmugijkoskâsij raađij čiččâm enâmist Saksa, Espanja já Australia adelii tievâslijd čyegislovoid ađai 12 čyegisid já Ruotâ, Puola já Ukraina 10 čyegisid. Ovtâstum kunâgâskodde adelij tuše 6 čuággá. Kuldâleijein já keččein sun finnij 122 822 jiennâd ađai 53 % puoh jienâin.[27]
Pyevtittem mute
- Käärijä – räppin, laavlâ, säänih
- Aleksi Nurmi – nuottâ já säänih, pyevtittem
- Johannes Naukkarinen – nuottâ já säänih
- Jukka Sorsa – kiitaar, heiviittâs
- Ki-RO – pyevtittem
- Kalle Keskikuru – miksem
- Svante Forsbäck – masteristem[28]
Pitá sajeh muusiklistoin mute
| Listo | Pyeremus saje | Pyeremuu saje okko |
|---|---|---|
| Suomâ virgálâš listo | 1. | 9/2023, 10/2023, 18/2023[15] |
| Suomâ radiosuáittulisto | 3. | 9/2023[15] |
| Plötutíðindi (Island) | 19. | 10/2023[29] |
| Sverigetopplistan | 13. | 11/2023[30] |
| AGATA singlelisto (Liettua) | 11. | 19/2023[31] |
| Vuáládâhenâmij Single Top 100 | 15. | 19/2023[32] |
| Spotify Viral 50 - Global | 1. | 19/2023[33][34] |
Fáádást eres soojijn mute
Käldeeh mute
- ↑ Adams, William Lee: Cha Cha Cha! Käärijä releases his UMK 2023 song in Finland Wiwibloggs. 17.1.2023. Čujottum 6.5.2023. (eŋgâlâskielân)
- ↑ Käärijä – Cha Cha Cha Discogs. Čujottum 6.5.2023. (eŋgâlâskielân)
- ↑ Nousiainen, Janna: Käärijä räjäytti pistepankin UMK:ssa: ”Lähden voittamaan euroviisuja” Ilta-Sanomat. 25.2.2023. Čujottum 26.2.2023. (suomâkielân)
- ↑ 4,0 4,1 Ylänne, Tuula: Käärijä vuoitij Uđđâ muusik kišto já oovdâst Suomâ ive 2023 Euroviisuh-lávlumkištoost Anarâš aavis. 2023.03.04. Čujottum 21.3.2023.
- ↑ Finland send Käärijä to Liverpool with 'Cha Cha Cha' Eurovision Song Contest. 25.2.2023. Čujottum 29.3.2023. (eŋgâlâskielân)
- ↑ Käärijä: Cha Cha Cha Areena.yle.fi. 18.1.2023. Čujottum 18.1.2023. (suomâkielân)
- ↑ Käärijän UMK23-biisi Cha Cha Cha on julkaistu Yle.fi. 18.1.2023. Čujottum 18.1.2023. (suomâkielân)
- ↑ Mattila, Mikael: Käärijän UMK-kappale räjäytti viisufanien potin: ”Olen aivan sanaton” Is.fi. 18.1.2023. Čujottum 18.1.2023. (suomâkielân)
- ↑ Käärijä: Cha Cha Cha - Single Apple Music. 17.1.2023. Čujottum 24.3.2023. (eŋgâlâskielân) já (suomâkielân)
- ↑ Saulo, Sandra, Norrlin, Katri já Lassila, Juhani: UMK23-finalistit on julkaistu – heistä yksi edustaa Suomea Euroviisuissa Yle. 11.1.2023. Čujottum 22.3.2023. (suomâkielân)
- ↑ 11,0 11,1 Käärijä - Cha Cha Cha (Lyric Video) // UMK23 YouTube. Čujottum 26.2.2023. (suomâkielân)
- ↑ Koste, Henna: Tässä on Käärijän UMK-kappale: ”Kukaan Suomessa ei tee vastaavanlaista” Iltalehti.fi. 18.1.2023. Čujottum 18.1.2023. (suomâkielân)
- ↑ Käärijä - Cha Cha Cha Finland 🇫🇮 National Final Performance Eurovision 2023 YouTube. ”"Premiered Feb 26, 2023"” Čujottum 6.5.2023. (eŋgâlâskielân) já (suomâkielân)
- ↑ Singlet – Suomen virallinen lista Musiikkituottajat. 4/2023. Čujottum 31.1.2023. (suomâkielân)
- ↑ 15,0 15,1 15,2 15,3 Suomen virallinen lista: Käärijä - Cha cha cha Musiikkituottajat. Čujottum 6.5.2023. (suomâkielân)
- ↑ Veckolista Heatseeker, vecka 12 Sverigetopplistan. Čujottum 6.5.2023. (ruotâkielân)
- ↑ Käärijä pisti historian kirjat uusiksi - ilmiömäinen startti UMK-kappaleelle Warner Music Finland. 19.1.2023. Čujottum 20.1.2023. (suomâkielân)
- ↑ Valavaara, Sara: "Aika sama tunnelma, eikö?" – UMK-sensaatio muistuttaa kahden vuoden takaista kappaletta, Käärijä tyrmäsi plagiointiepäilyt MTV:llä Iltalehti. 24.1.2023. Čujottum 31.1.2023. (suomâkielân)
- ↑ Ollikainen, Milla: Käärijä on UMK:n ennakkosuosikki – Valloittaako Euroviisut ”kreisi pottatukkainen ukko”? Seura. 25.1.2023. Čujottum 29.3.2023. (suomâkielân)
- ↑ Kähkönen, Katariina: Kuka on UMK-suosikiksi noussut Käärijä? Paljastaa tarinan nimensä taustalta ja miten se pitäisi lausua ulkomailla MTV Uutiset. 22.1.2023. Čujottum 29.3.2023. (suomâkielân)
- ↑ William Lee Adams: Poll results: Käärijä is our readers’ favourite to win UMK 2023 in Finland wiwibloggs. 24.2.2023. Čujottum 29.3.2023. (eŋgâlâskielân)
- ↑ 22,0 22,1 22,2 22,3 Määttänen, Juuso: UMK:n lopputulos oli täydellinen, ja edessä on Suomelle poikkeuksellinen viisukevät Helsingin Sanomat. 26.2.2023. Čujottum 29.03.2023. (suomâkielân)
- ↑ Robin Packalenin kappale on armoton pettymys, mutta onneksi UMK tarjoaa upean yllätyksen Helsingin Sanomat. Čujottum 26.2.2023. (suomâkielân)
- ↑ Naakka, Anna-Maija: Näin Käärijä juhli UMK-voittoa Turun yössä – baaritiskillä odotti ikävä yllätys Ilta-Sanomat. 26.2.2023. Čujottum 29.3.2023. (suomâkielân)
- ↑ Nelskylä, Lena: Tällainen on Suomen euroviisuedustaja Käärijä ja hänen kuriton Cha cha cha -biisinsä, joka voi vaikka voittaa koko Euroviisut Yle. 25.2.2023. Čujottum 29.3.2023. (suomâkielân)
- ↑ 26,0 26,1 Vedenpää, Ville: Blind Channel yllättyi UMK:n murskavoitosta raskaalla musiikilla: “Suomalaiset tajuavat, mikä tämän maan dna on” Yle Uutiset. 21.2.2021. Čujottum 29.3.2023. (suomâkielân)
- ↑ Laitila, Tiia-Mari já Saulo, Sandra: Käärijä voitti UMK:n ylivoimaisella pistepotilla – näin yleisön ja raadin pisteet jakautuivat Yle. 26.2.2023. Čujottum 29.3.2023. (suomâkielân)
- ↑ Cha Cha Cha Lyrics - Käärijä Genius. Čujottum 31.1.2023. (eŋgâlâskielân)
- ↑ Plötutíðindi Plötutíðindi. Čujottum 22.3.2023. (islandkielân)
- ↑ Veckolista Heatseeker, vecka 11 Sverigetopplistan. Čujottum 6.5.2023. (ruotâkielân)
- ↑ 2023 19-os savaitės klausomiausi (TOP 100) AGATA. 12.5.2023. Čujottum 14.5.2023. (liettuakielân)
- ↑ Dutch Single Tip 13/05/2023 dutchcharts.nl. Čujottum 14.5.2023. (hollandkielân)
- ↑ Viral 50 - Global Spotify. Čujottum 14.5.2023. (eŋgâlâskielân)
- ↑ Simoinen, Karoliina: Käärijä on Spotifyn koko maailman ykkönen! Iltalehti. 14.5.2023. Čujottum 14.5.2023. (suomâkielân)
