Säämi lippupeivi
Säämi lippupeivi[1] (motomin meid Säämi liputtempeivi) lii peivi, kuás säämi lippu kiässoo stáágun. Ivveest láá tääl 12 lippupeivid.[2]
Historjá
muteSämmilij 15. konferensist ive 1993 Helsigist meriduvvojii 8 peivid säämi lippupeivin: Säämi aalmugpeivi, máárjápeivi, jonsahpeivi, Säämi liipu tuhhiittempeivi, Sämirääđi vuáđudempeivi, Taažâ Sämitige vuáđudempeivi, Suomâ Säämi Parlament vuáđudempeivi já Isak Saba šoddâmpeivi.[3][4]
Ive 1996 3 uđđâ peeivi lasettuvvojii: Ovtâstum aalmugij aalmugijkoskâsâš algâaalmugij peivi, Suomâ Sämitige vuáđudempeivi já Ruotâ Sämitige vuáđudempeivi.[3] Suomâ já Ruotâ sämitigeh lasettuvvojii esken talle ko taah vuáđuduvvii sämmilij 15. konferens maŋa.
Uđđâsumos lippupeivi lii skammâmáánu 29. peivi, mii lii Elsa Laula Renberg šoddâmpeivi. Taam iävtuttij Säämi nissoonfoorum jo ive 2000[5][6], mut esken ive 2017 sämmilij 21. konferensist Tråantist taat meridui virgálâš lippupeivin.[7][8]
Virgáliih Säämi lippupeeivih
mute- kuovâmáánu 6. peeivi: Säämi aalmugpeivi (ive 1917 toollum Ruándim-čuákkim mield)
- njuhčâmáánu 2. peeivi: Suomâ Sämitige vuáđudempeivi (1996)
- njuhčâmáánu 22. já 28. peeivij koskâsâš pasepeivi: máárjápeivi (sämmilij ärbivuáválâš juhlepeivi)
- kesimáánu 20. já 26. peeivij koskâsâš lávurdâh: jonsahpeivi (almos lippupeivi)
- porgemáánu 9. peeivi: Ovtâstum aalmugij aalmugijkoskâsâš algâaalmugij peivi
- porgemáánu 15. peeivi: Säämi liipu tuhhiittempeivi (1986)
- porgemáánu 18. peeivi: Sämirääđi vuáđudempeivi (1956)
- porgemáánu 26. peeivi: Ruotâ Sämitige vuáđudempeivi (1993)
- roovvâdmáánu 9. peeivi: Taažâ Sämitige vuáđudempeivi (1989)
- skammâmáánu 9. peeivi: Suomâ Säämi Parlament vuáđudempeivi (1973)
- skammâmáánu 15. peeivi: Isak Saba (Sápp Issát) šoddâmpeivi
- skammâmáánu 29. peeivi: Elsa Laula Renberg šoddâmpeivi
Škovlâláid
mute- Säämi liputtempeeivih Kuáti.fi
Käldeeh
mute- ↑ Mattus, Ilmari Säämi lippupeeivih s. 11, Anarâš-lostâ, juovlâmáánu 2016 29. ihekerdi
- ↑ Čearddalaš dovddaldagat: Sämirääđi. Čujottum 17.11.2020 (orjâlâškielân)
- ↑ 3,0 3,1 Norgga gielda- ja guovludepartementa bargojoavku. Sámi leavgga geavaheapmi 2001. Regjeringen.no. Čujottum 20.11.2020 (orjâlâškielân)
- ↑ Rantala, Leif: Sámiráđđi 50 jagi (PDF) 11. Čujottum 27.12.2020. (tavesämikielân)
- ↑ Eriksen Lindi, Gudrun. Sámekonferánsa 2008 mearridii Elsa Laula Renberg riegádanbeaivvi almmolaš sámi flávdabeaivin 15.04.2015 Säämi nissoonfoorum. Čujottum 17.11.2020 (orjâlâškielân)
- ↑ Gaup, Anne Gro. Oččodit ođđa sámi levgenbeaivvi. Ávvir. 12.1.2016. Čujottum 27.12.2020 (orjâlâškielân)
- ↑ Guttorm, Susanna. Elsa Laula Renberga riegádanbeaivi almmolaš leavgabeaivin 13.2.2017. Yle Sápmi. Čujottum 17.11.2020 (orjâlâškielân)
- ↑ Oskal, Sara Máret Rávdná. Elsa Laula riegadanbeaivi šaddá levgenbeaivin. Ávvir. 12.2.2017. Čujottum 27.12.2020 (orjâlâškielân)