Elsa Laula Renberg

Elsa Laula Renberg (29. skammâmáánu 1877 Tärnaby, Ruotâ – 22. syeinimáánu 1931 Mosjøen, Taažâ) lâi maadâsämmilâš puásuiolmooš, aktivist já politikkár.

Eellim mute

Elsa Laula šoodâi skammâmáánu 29. peeivi 1877 perruus niäljádin pärnin. Suu vaanhimeh láin puásuiulmuuh Kristina Laula já Lars Thomasson Laula. Nuorrân Laula luuvâi selgiennin Tukholmast. Laula lâi tehálâš vaikutteijee sämmilii servitooimâ aalgâst. Sun tooimâi ive 1904 vuáđudum vuossâmuu sämiseervi Lapparnas Centralförbund saavâjođetteijen. Siämmáá ive almostui suu pamflet Inför lif eller död? Sanningsord i de Lappska förhållandena, mii kietâdâlâi sämmilij vuoigâdvuođâid, škovlim já eennâmkevttim. Ive 1908 Laula naajâi Tomas Petersen Tovein já varrij suin Taažân. Sunnui šoddii kuttâ párnáá. Puásuipargo lasseen Laula toolâi jieškote-uvlágánijd sahâvuáruid sämiaašijn. Sun lâi meid fáárust sämiseervi Brurskanken samiske lag já Taažâ vuossâmuu säminisonij seervi Brurskankens samiske kvindeforening vuáđudemčuákkimist. Brurskankens samiske kvindeforening kočoi čuákán vuossâmuu tave-eennâmlii sämičuákkim, mii tollui kuovâmáánu 6. peeivi 1917 Ruándimist. Laula sahâvuáru leehâi taam historjálii čuákkim. Čuávuváá ive Laula ornij vuossâmuu väldikodálii sämičuákkim Ruotâ Östersundist. Laula jaamij syeinimáánu 22. peeivi 1931. Suu šoddâmpeivi lii lamaš virgálâš Säämi liputtempeivi ive 2017 rääjist.^[2]

Fáádást eres soojijn mute

Wikimedia Commonsist láá koveh teikkâ eres tiätuvuárháh fáádást Elsa Laula Renberg.

Käldeeh mute

↑ Ørnhaug, Elina Rydland, Mudenia, Håkon, Varsi, Line Alette Bjørnback, Porsanger, Nils John, Rønning, Mats, Skei, Lisbeth, Orlich, Amanda Iversen, Jobling, William, Skurtveit, Sunniva, Pettersen, Jørgen, Whittaker, Emma-Marie B.: Aksjonistene er fjernet fra Stortinget NRK. 11.10.2023. ”Aksjonistene har «omdøpt» Karl Johans gate til Elsa Laulan gæjnoe og setter opp flere lavvoer. – Vi har flyttet inn på Elsa Laulan gæjnoe, og vi flytter oss faen ikke, sier Hætta Isaksen.” Čujottum 30.11.2023. (kirjetárukielân)
↑ Elsa Stina Larsdotter Laula Renberg skbl.se. Čujottum 30.11.2023. (eŋgâlâskielân)

[1] Ørnhaug, Elina Rydland, Mudenia, Håkon, Varsi, Line Alette Bjørnback, Porsanger, Nils John, Rønning, Mats, Skei, Lisbeth, Orlich, Amanda Iversen, Jobling, William, Skurtveit, Sunniva, Pettersen, Jørgen, Whittaker, Emma-Marie B.: Aksjonistene er fjernet fra Stortinget NRK. 11.10.2023. ”Aksjonistene har «omdøpt» Karl Johans gate til Elsa Laulan gæjnoe og setter opp flere lavvoer. – Vi har flyttet inn på Elsa Laulan gæjnoe, og vi flytter oss faen ikke, sier Hætta Isaksen.” Čujottum 30.11.2023. (kirjetárukielân)

[2] Elsa Stina Larsdotter Laula Renberg skbl.se. Čujottum 30.11.2023. (eŋgâlâskielân)

[1]

[2]