Säämi kielâkäldee
Säämi kielâkäldee, meid tuše Kielâkäldee, lii Suomâ, Ruotâ já Taažâ Sämitiigij vuáđudem já ruttâdem áámmát- já reesuurskuávdáš kielâohtsâšpargo-orgaan, mon kielâäššitobdeeh pargeh sämikielâi oovdân. Anarâškielâ kielâäššitobden parga Jukka Mettovaara.
Säämi Kielâkäldee vuáđudui pisovâš jiečânâs toimâorgaanin Taažâ Sämitige ohtâvuotân ive 2022.[1] Säämi kielâkäldee algâttij fastâ tooimâs čohčâmáánu 4. peeivi 2023.
Ovdâsvástádâsah
muteSäämi Kielâkäldee västid sämikieláid kyeskee tave-eennâmlii ohtsâšpargo koordinistmist, naanoodmist já oovdedmist. Kielâkäldee ulmen lii sämikielâi kirje- já sárnumkielâ kulttuuräärbi siäiluttem, tipšom já ovdedem sehe sämikielâi siäiluttem, nanodem já ovdedem tienuuvt, ete siämmást váldojeh huámmášumán jieškođe-uv sämikielâ táárbuh, háástuh já resurseh.[2][1]
Sajadâh
muteSäämi kielâkäldee tuáimá Taažâ Sämitiggetáálust, mii lii fijnâ stuorrâ vistekompleks kaskoo Kárášjuuvâ.
Kielâlävdikodeh
muteKielâkäldest láá 6 kielâlävdikode: maadâsämikielâ, pittáámsämikielâ, juulevsämikielâ, orjâlâškielâ, anarâškielâ já nuorttâlâškielâ lävdikodeh.
Stivrâ
muteStivrâ lii Säämi kielâkäldee alemus orgaan.
Stivrâ 2023–2027
mute| stivrâjeessân | rooli | sämitigge |
|---|---|---|
| Per-Eric Kuoljok | saavâjođetteijee | Ruotâ |
| David Kroik | stivrâjeessân | Ruotâ |
| Ole Henrik Magga | nubbe jođetteijee | Taažâ |
| Ann-Mari Thomassen | stivrâjeessân | Taažâ |
| Nilla Tapiola | stivrâjeessân | Suomâ |
| Magreta Sara | stivrâjeessân | Suomâ |
| Simon Forsmark | värijeessân | Ruotâ |
| Maidi Steinfjell | värijeessân | Ruotâ |
| Raimo Valle | värijeessân | Taažâ |
| Maja-Lisa Kappfjell | värijeessân | Taažâ |
| Neeta Jääskö | värijeessân | Suomâ |
| Veikko Feodoroff | värijeessân | Suomâ |
Fáádást eres soojijn
muteKäldeeh
mute- ↑ 1,0 1,1 Olthuis, Marja-Liisa: Kielâkäldee aalgât fastâ tooimâs čohčâmáánust – Anarâškielâ pargee lii nomâttum anarasaavis.fi. 30.6.2023. Čujottum 30.6.2023.
- ↑ Mii lii Säämi Kielâkäldee já maid mij porgâp? Säämi Kielâkäldee. Čujottum 4.2.2023.