Sámi Grand Prix 2023
Sámi Grand Prix 2023 lâi Sámi Grand Prix -juoigâm- já lávlumkišto, mon Säämi muusikfestivaal -servi ornij Kuovdâkiäinust Taažâ peln lávurduv cuáŋuimáánu 8. peeivi 2023 pessijâšmarkkânij ääigi. Tot lâi 33. tohe, ko kišto uárnejui. Njuhčâmáánu 10. peeivi 2023 kišto uásálisteeh já pitáh almottuvvojii.[1] Siämmáá peeivi DAT almostitij ive 2023 nurâldâhskiärru njuolgist muusikpalvâlussáid neetist. Juoigâmuási vuoitij maadâsämmilâš Saara Hermansson loddejuáigusáin Goeksege, kii vuoitij meid ive 2019 Sámi Grand Prix, mut talle sun vuoitij lávlumuási.[2][3][4] Lávlumuási vuoittijn tavesämmiliih Mihka já Andreas pittáin Ále guođe mu.[5] Sunnust Andreas uásálistij meid ive 2022 kišto lávlumuási kollefinalân SOÁ-muusikjuávhu jesânin, mut muusikjuávkku táppái Ingá-Máret Gaup-Juuson.[6]
Formaat
muteKiišton puáhtá uásálistiđ tuše uđđâ pitáigijn, moh láá monnii sämikielân já moh iä lah ovdil almostum. Pitáh oovdânpuáhtojeh konsertist pessijâšmarkkânij ääigi pessijâšlávurduv ađai cuáŋuimáánu 8. peeivi Báktehárji-maaŋgâtooimâhaalist. Siämmást livekonsert čáittoo njuolgâ vuolgâttâssân meid NRK 1:st, NRK TV:st já radio peht. Vuolgâttâs puáhtá keččâđ já vyeittee puáhtá jienâstiđ kost peri maailmist.
Jođetteijeeh
muteIve 2023 kišto jođetteijen láin sämmiliih Agnete Saba já Ole Mathis Sara Nedrejord.[7]
Juoigâm- já lávlumuásih
muteOvdebij iivij náál kištoost lijjii kyehti uási: juoigâmuási já lávlumuási. Ive 2023 lávlumuási lâi vuossâmužžân já juoigâmuási nubben. Juoigâmuási maŋa Emil Karlsen, Jan Ole Hermansen já Dear Sara juoigii ive 2002 jáámmám Simona Máhtte kunnen. Katarina Barruk já Hildá Länsman lávdástáin kollefiinaal jienâstem ääigi.
Juoigâmuási uásálisteeh
muteJuoigâmuásist lijjii 6 uásálistee.[1] Taam uási vuoitij Saara Hermansson. Sun juoigâi maadâsämikielâg pittáin Goeksege. Nubben lâi Anders Isak Oskal orjâlâškielâg pittáin Sara Máijja Oskal.
| Staatâ teikkâ eennâm | Uásálistee | Juáigus | Kielâ |
|---|---|---|---|
 Ruotâ |
Saara Hermansson | Goeksege | maadâsämikielâ |
 Taažâ |
Nils Peder A. Gaup | Johan Nils Peder | orjâlâškielâ |
 Suomâ |
Heli Aikio | Piegâkandâ | anarâškielâ |
| Taažâ |
Anders Isak Oskal | Sara Máijja Oskal | orjâlâškielâ |
| Ruotâ |
Astrid Tuorda | Unnaviellja | |
| Taažâ |
Nils Johan A. Gaup | Lise Merete | orjâlâškielâ |
Kollefinalân peesáin Saara Hermansson pitáinis Goeksege já Anders Isak Oskal pitáinis Sara Máijja Oskal.
- Fiinaal
| Staatâ teikkâ eennâm | Uásálistee | Laavlâ |
|---|---|---|
| Ruotâ |
Saara Hermansson | Goeksege |
| Taažâ |
Anders Isak Oskal | Sara Máijja Oskal |
Lávlumuási uásálisteeh
muteLávlumuásist-uv lijjii 6 uásálistee.[1] Taam uási vuoittijn Mihka já Andreas. Suoi lávloin orjâlâškielâg pittáin Ále guođe mu. Nubben lâi Máret Áile orjâlâškielâg pittáin Ráhkis hoavda.
| Staatâ teikkâ eennâm | Uásálistee(h) | Laavlâ | Kielâ |
|---|---|---|---|
| Suomâ |
Yungmiqu já Jezebro | Cokka gávtti! | orjâlâškielâ |
| Taažâ |
Linus Johnsen | Cevzoset Hilat | orjâlâškielâ |
| Taažâ |
Aili Kathrine Wergeland Teigmo | Duostil | orjâlâškielâ |
| Taažâ |
Mihka já Andreas | Ále guođe mu | orjâlâškielâ |
| Taažâ |
Máret Áile | Ráhkis hoavda | orjâlâškielâ |
| Taažâ |
Elin Oskal | Lusa | orjâlâškielâ |
Kollefinalân pessii Mihka já Andreas pitáinis Ále guođe mu já Máret Áile pitáinis Ráhkis hoavda.
- Fiinaal
| Staatâ teikkâ eennâm | Uásálistee(h) | Laavlâ |
|---|---|---|
| Taažâ |
Mihka já Andreas | Ále guođe mu |
| Taažâ |
Máret Áile | Ráhkis hoavda |
Áillohaš-muusikpalhâšume
muteIve 2023 Áillohaš-muusikpalhâšume vuoitij Maj-Lis Skaltje.[8]
Fáádást eres soojijn
muteKäldeeh
mute- ↑ 1,0 1,1 1,2 Norvang, Kolbjørn, Eira, Biret Inger Mathisdatter já Solberg, Inga Maret: Ná šaddá dán jagáš Sámi Grand Prix — Vuordin nohká dás! Mii almmuhat dán jagáš oassálastiid. KOLBJØRN NORVANG NRK Sápmi. 10.3.2023. Čujottum 10.3.2023. (tavesämikielân)
- ↑ Hætta, Wenche Marie: Hvem-Hva-Når om Sámi Grand Prix - 2018 NRK Sápmi. 29.3.2007. Čujottum 10.1.2021. (tárukielân)
- ↑ Rasmus, Linnea: Oanehaččat: Anne Nuorgam ON bissovaš foruma ságadoallin, Berg ja Hermansson vuittiiga SGP-gilvvu, Áillohaš-bálkkašupmi Domna Khomjukii ja europarlamentarihkkár evttoha sápmelaččaide iežas doaimmahaga Brusselii Yle Säämi. 23.4.2019. Čujottum 10.1.2021. (tavesämikielân)
- ↑ Nystad, Marie Elise, Gaup, Berit Solveig já Utsi, Johan Ante: Geahča buot Sámi Grand Prix lávlagiid ja luđiid dás NRK Sápmi. 9.4.2023. Čujottum 11.4.2023. (tavesämikielân)
- ↑ vuittiba Sámi Grand Prix NRK Sápmi. 8.4.2023. Čujottum 8.4.2023. (tavesämikielân)
- ↑ Larsen, Dan Robert: Sámi Grand Prix: Mektige stemmer seiret NRK Sápmi. 16.4.2022. Čujottum 16.4.2022. (tárukielân)
- ↑ Slik blir årets Sámi Grand Prix NRK Sápmi. 10.3.2023. Čujottum 8.4.2023. (kirjetárukielân)
- ↑ Ballovara, Mette já Nystad, Marie Elise: Maj-Lis Skaltje oaččui Áillohaš-bálkkašumi 8.4.2023. NRK Sápmi. Čujottum 8.4.2023. (tavesämikielân)