Unna Junná
Unna Junná lii ive 2007 rääjist puáttám Yle Säämi sämikielâlâš párnáiohjelm. Tot ráhtoo kuulmâ sämikielân: anarâš-, nuorttâlâš- já orjâlâškielân. Unna Junná parga oovtâstpargo om. Säämi máttááttâskuávdáá medialinjáin Anarist sehe Säämi škovláin já Elleekovekuávdáš Skábmain. [1]
Historjá mute
Unna Junná oinuuškuođij ive 2007, talle vala ovtâspargon syemmilâš Yle já ruátálâš SVT kooskâst. Ive 2011 SVT kuittâg meridij vuájuđ pyevtittiđ jieijâs sämikielâlâš párnáiohjelm, já tastoo Yle pyevtitškuođij Unna Junná ohjelmijd ohtuu.[2] Siämmáá ive Unna Junnáást kulluuškuottii anarâš- já nuorttâlâškielâ eenâb, ko toh šoddii jođettemkiellân.[3] Tađe ovdil tuše tavesämikielâ lâi lamaš jođettemkiellân, mutâ inserttijn anarâš- já nuorttâlâškielâ kal lijjii kullum jo ovdil.[4]
Käldeeh mute
- ↑ Unna Junná Oktavuohta (suomâkielân)
- ↑ Usikker tid for "Unna Junna" 20.1.2011. NRK Sápmi. Čujottum 16.4.2021.
- ↑ Unna Junná lii jođettum love ihheed meid anarâš- já nuorttâlâškielân – keejâ kuuvijd já videoid ohjelm rähtimist! 26.2.2021. Yle Säämi. Čujottum 16.4.2021
- ↑ Ylen lastenohjelmaa on juonnettu inarin- ja koltansaameksi 10 vuotta – näin syntyy Unna Junná uhanalaisilla kielillä 26.2.2021. Yle Säämi. Čujottum 16.4.2021.(suomâkielân)