Sämitigge (Suomâ)
Sämitigge (nuorttâlâškielân Sääʹmteʹǧǧ, orjâlâškielân Sámediggi) lii Suomâ sämmilij alemus, ovdâsteijeevâš já pooliitlâš jiešhaldâšemorgaan, mii tuáimá riehtiministeriö haldâšemsyergist.[1] Ovdil Sämitige Suomâst tooimâi Säämi Parlament iivij 1973–1995.[2]
Kove: Kimberli Mäkäräinen
Jesâneh
muteSämitige 21 jesânid já nelji värijeessân väljejuvvojeh sämmilij koskâvuođâst valjâiguin, moh olášuttojeh jyehi niäljád ive.[1][2] Jyehi sämikuávlu kieldâst kalga valjiđ ucemustáá kulmâ ovdâsteijee sämitiigán.[2] Kuulmâ sämmilii vuáđudem väljejeijeeservi puáhtá asâttiđ iävtukkâs sämitiigán.[2]
Pargo
muteSämitige pargon lii vuáváđ já olášuttiđ Suomâ vuáđulaavâst sämmiláid turvâstum kielâ já kulttuur kyeskee jiešhaldâšem.[1] Sämitigge oovdâst sämmilijd aalmuglâš já aalmugijkoskâsâš ohtâvuođâin já hoittáá sämmilij kielân, kulttuurân já sii sajattâhân kyeskee aašijd algâaalmugin.[1] Sämitigge puáhtá adeliđ oovdânpyehtimijd, alguid já ciälkkámušâid virgeomâháid.[1][2] Sämitigge addel ihásávt 60–200 sierâlágán algud já ciälkkámužžâd sierâ peelijd.[2] Ton lasseen sämitigge noomât ovdâsteijeid maŋgáid sierâ pargojuávhoid.[2] Nube válduášálâš toimâvyehhin láá virgeomâhâiguin toohum ráđádâlmeh.[2]
Stivrâ
muteSämitige stivrâ 2020–2023:[3]
- Tuomas Aslak Juuso, saavâjođetteijee
- Anni Koivisto, I värisaavâjođetteijee
- Leo Aikio, II värisaavâjođetteijee
- Juha-Petteri Alakorva
- Veikko Feodoroff
- Magreta Sara
- Anne Nuorgam
Keejâ meid
muteFáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Sämitigge (Suomâ).
