Saia Stueng
| Saia Marilena Stueng | |
|---|---|
| |
| Šoddâm | uđđâivemáánu 13. peeivi 1993 Kárášjuuhâ |
| Pargo | |
| Áámmát | kirjálâšvuođâ totkee kirječällee |
| Noomah | Saia Stueng Saia Marilena Stueng |
| Kirjálâšvuođâ šlaajâ | nuorâikirjálâšvuotâ |
| Kielâ | orjâlâškielâ
|
Saia Marilena Stueng (š. uđđâivemáánu 13. peeivi 1993 Kárášjuuhâ) lii tavesämmilâš kirjálâšvuođâ totkee já kirječällee. Sun čáálá orjâlâškielân.
Eellim
muteSaia Marilena Stueng šoodâi uđđâivemáánu 13. peeivi 1993 Kárášjuuvâst, kost sun meiddei rávásmij.
Iivij 2014 já 2016–2018 sun luuvâi ei. sämmilii kirjálâšvuođâ Tromsa ollâopâttuvâst. Iivij 2015–2017 Stueng uásálistij Säämi kirječällei seervi já Säämi taaidârrääđi ornim sämikielâg Čális fal! -čäällimkuursân. Čuávuváá ive sun valmâštui Tromsa ollâopâttuvâst maisterin. Ive 2022 sun algâttij náguskirjetotken Säämi ollâškoovlâst.
Karrieer
muteStueng vuossâmuš nuorâikirje, Hamburgerprinseassa, almostui ive 2017.[1] Vuossâmuš riäntus vuobdui jotelávt loopân. Tot lii uáli jo epitáválâš sämikielâg kirjijd. Hamburgerprinseassa-kirjerááiđu nubbe uási, Eallá dušše oktii, almostui ive 2023.[2] Eallá dušše oktii lâi iävtukkâssân ive 2024 Tave-enâmij rääđi párnái- já nuorâikirjálâšvuotâpalhâšumán.[3]
Pargo
muteTassaažân suu kirjeh láá jurgâlum tárukielân já anarâškielân. Stueng vuossâmuu kirje lii jurgâlâm anarâškielân Neeta Jääskö noomáin Hamburlâšprinses, mut tot ij lah vala almostum.[4]
Stueng kirjeh eres kieláid
mute- 2019 – Hamburgerprinsessa, tárukielân jurgâlâm Ánne-Márjá Guttorm Graven[5]
- 2024 – Skjebnetid, tárukielân jurgâlâm Lill Hege Anti[6]
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Saia Stueng.
Käldeeh
mute- ↑ 1,0 1,1 Hamburgerprinseassa Finna. Čujottum 27.10.2024. (tavesämikielân)
- ↑ 2,0 2,1 Eallá dušše oktii Finna. Čujottum 27.10.2024. (tavesämikielân)
- ↑ Saia Stueng Tave-enâmij rääđi. Čujottum 27.10.2024. (kirjetárukielân)
- ↑ Brecciaroli, Fabrizio: Seervi kuástidemtoimâ ive 2024 Anarâš aavis. 20.4.2024. Čujottum 29.10.2024.
- ↑ Hamburgerprinsessa Biblioteksøk. Čujottum 28.10.2024. (kirjetárukielân)
- ↑ Skjebnetid Biblioteksøk. Čujottum 28.10.2024. (kirjetárukielân)