Säämi kielâtaho -palhâšume
Säämi kielâtaho -palhâšume lii Säämi kielârääđi mieđettem palhâšume, mon uáivilin lii adeliđ tubdâstâs sämikielâlij palvâlusâi já sämikielâ sajattuv oovdedmist tohhum mávsulii pargoost Suomâst. Sämikieláin uáivilduvvoo tave-, anarâš- já nuorttâlâškielâ. Palhâšume ulmen lii movtijdittiđ palhâšume uážžoo pyerediđ ovdiist sämikielâ pyerrin tohhum pargo já movtijdittiđ puoh virgeomâháid pyerediđ sämikielâ sajattuv. Palhâšume uážžoo pyehtih iävtuttiđ Säämi kielârääđi jesâneh já värijesâneh kielârääđi čuákkimist. Palhâšume mieđettuvvoo ohtii valjâpaajeest Säämi kielârääđi meridem ääigi.[1][2]
Palhâšume mieđettuvvoo vuosâsajasávt virgeomâháid já siärváduvváid já tuše sierânâs vuáđustâsâiguin priivaatulmui. Säämi kielâtaho -palhâšume lii taaiđâpalhâšume, mii kalga spejâlistiđ sämikielâ já -kulttuur riggoduv já maaŋgânálásâšvuođâ. Palhâšume muttoo jyehi niäljád ive (valjâpoojij mield) já ton vaalmâštmist västid Sámi Duodji ry valjim sämitaaidâr tâi tuáijár.[1][2]
Vyeitteeh
muteČuávuváá tavlustuvâst láá Säämi kielâtaho -palhâšume vyeitteeh:[2]
| Ive | Vyeittee |
|---|---|
| 2010 | Meccihaldâttâs |
| 2011 | Miessi-juávkkupeerâpeivikiäčču (Iänuduv kieldâ) |
| 2013 | Yle Säämi |
| 2015 | Mielenterveystalo.fi |
| 2019 | Pasila vuáđuškovlâ |
| 2023 | Laapi pyereestvaijeemkuávlu |
Käldeeh
mute- ↑ 1,0 1,1 Olthuis, Marja-Liisa: Säämi kielârääđi lii mieđettâm ive 2023 Säämi kielâtaho -palhâšume Laapi pyereestvaijeemkuávlun anarasaavis.fi. 3.11.2023. Čujottum 6.11.2023.
- ↑ 2,0 2,1 2,2 Säämi kielâtaho-palhâšume Samediggi. Čujottum 6.11.2023.