Pirita Näkkäläjärvi
Pirita Näkkäläjärvi (orjâlâškielân Iskku-Máhte Biret teikkâ Čiskke-Ánne-Máreha Biret; š. kuovâmáánu 13. peeivi 1978 Aanaar)[1] lii syemmilâš sämipolitikkár, kävppitiettui maister, media já viestâdem maister já náguskirjetotkee.
| Pirita Näkkäläjärvi | |
|---|---|
 Pirita Näkkäläjärvi ive 2023 |
|
| Persovntiäđuh | |
| Šoddâm | kuovâmáánu 13. peeivi 1978 Aanaar |
| Aalmuglâšvuotâ | Suomâ |
| Fáádást eres soojijn | |
| piritanakkalajarvi.com | |
|
[ Mute Wikidatast ]
|
|
Karrieer
muteNäkkäläjärvi valmâštui ive 2005 kävppitiettui maisterin Helsig kävppiollâškoovlâst, mon maŋa sun lii porgâm kuhháá maailmvijđosii finnodâhmaailmist.[2] Sun lii porgâm almugijkoskâsii irâttâskävppi- já strategiatooimâin ovdâmerkkân Merrill Lynchist, Nokiast já PwC:st.[3] Iivij 2012–2017 Näkkäläjärvi tooimâi Yle Säämi hovdân, mut sun paasij oppâluámun jo čohčuv 2016.[2] Siämmáá ive sun valmâštui media já viestâdem maisterin London School of Economicsist.[3] Tääl sun tuáimá Suomâ Sämitige saavâjođetteijen. Ton lasseen sun lii náguskirjetotkee Sibelius-Akatemiast.[2]
Suomâ kulttuur- já tieđâinstituuteh rs. valjij ihečuákkimstis cuáŋuimáánu 25. peeivi 2024 Pirita Näkkäläjärvi saavâjođetteijen čuávuváá kulmâ ive pištee pajan. Näkkäläjärvi lii porgâm ohtsâšpargo eereeb iärrás Suomâ Ranska- já Suomâ Benelux -instituutijguin. Sun lii toimâm Suomâ kulttuur- já tieđâinstituuteh rs. haldâttâs värijesânin ive 2023 rääjist.[3]
Politikkárin
muteNäkkäläjärvi lii meid toimâm kuhháá sämipolitikkárin. Sun väljejui vuossâmuu keerdi Sämitiigán ive 2011 vaaljâin, main sun finnij 77 jiennâd. Näkkäläjärvi kuittâg iäránij Sämitiggeest jo čuávuváá ive kesimáánust, tastko sun väljejui Yle Säämi hovdân. Ive 2019 vaaljâin sun finnij 106 jiennâd já väljejui uđđâsist Sämitiigán. Čuávuváin vaaljâin ive 2023 sun finnij tuárvi jienâid, já nuuvt sun juátká sämitiggeairâsin vala nelji ive.[2]
Sämitige lasseen sun lii Aanaar váldustiivrâ jeessân.[2]
Palhâšumeh
muteIve 2017 uáivikaavpugkuávlu sämiservi City-Sámit ry valjij Pirita Näkkäläjärvi ive sämmilâžžân.[4]
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Pirita Näkkäläjärvi.
Käldeeh
mute- ↑ Salomaa, Janne: Paluumuuttaja potee etnostressiä Helsingin Sanomat. 29.7.2012. Čujottum 9.5.2024. (suomâkielân)
- ↑ 2,0 2,1 2,2 2,3 2,4 Mäkäräinen, Kimberli: Pirita Näkkäläjärvi lii Sämitige uđđâ saavâjođetteijee anarasaavis.fi. 31.1.2024. Čujottum 9.5.2024.
- ↑ 3,0 3,1 3,2 Schreck, Jasmina: Pirita Näkkäläjärvi väljejui Suomâ kulttuur- já tieđâinstituutij seervi saavâjođetteijen anarasaavis.fi. 6.5.2024. Čujottum 9.5.2024.
- ↑ Pirita Näkkäläjärvi lea Jagi sápmelaš 2017 Yle Sápmi. 11.11.2017. Čujottum 9.5.2024. (tavesämikielân)