Paijeelkulâttempeivi
Paijeelkulâttempeivi (eŋgâlâskielân Earth Overshoot Day ađai EOD) meerhâš äigipuudâ, kuás rekinistmij mield ulmui kulâttem mana paijeel eennâmpáálu jyehi-ivváá ääpist pyevtittiđ luánduriggoduvâid. Paijeelkulâttem lii ohtâ merhâšitteemuin suujâin šoŋŋâdâhnubástusân já luándulappuumân. Paijeelkulâttempeivi lii rekinistum ive 1970 rääjist ain onnáá piäiván.[1]
Paijeelkulâttempeivi rekinistoo čuávuváá kaava mield:
Paijeelkulâttempeeivih rekinistojeh meid sierâ enâmáid.[2] Sierâ enâmij já ubâ eennâmpáálu paijeelkulâttempeeivijd ij pyevti verdidiđ aaibâs tievâslávt koskânis, mut kuittâg toh čäittih, ete ovdánâm enâmijn kulâttem lii stuárráb ko kievhib enâmijn, kost ij lah máhđulâšvuotâ kulâttiđ ko aaibâs velttidmettum pyevtittâsâid.[1] Puoh maailm enâmijn ij lah paijeelkulâttempeivi. Tain enâmijn uđâsmuvvee luánduriggoduvâi kulâttem ässei peht lii killeel, ađai ucceeb ko eennâmpáálu biokapasiteet per olmooš.[3]
Paijeelkulâttem jođálmit meccilappum, eennâm eroosio, biologilii maaŋgâhámásâšvuođâ kiäppánem já čiđđâdioksid lasanem, mii pelestis lii suijân šooŋâ robdâalmonij lassaanmân já purrâmušpuovtâdâs kiäppánmân.[4]
Suomâ
muteSuomâst paijeelkulâttempeivi lii táválávt kiđđuv. Syemmiliih láá ohtâ maailm enâmustáá kulâtteijee aalmugijn.[5] Stuárráámuuh suujah syemmilij paijeelkuulâtmân láá energiapuovtâdâs, jotoluv sehe purrâmušpuovtâdâs šaddovistekaasuluáštádâsah.[6] Kyehti kuálmádâs Suomâ paijeelkuulâtmist šaddeh šaddovistekaasuluáštádâsâin, já loppâ puátá viljâlemeennâm já kuáđui táárbust.[6]
2018
muteIve 2018 enâmustáá kulâtteijee enâmeh lijjii Qatar, Luxemburg já Ovtâstum arabiemiirikodeh. Riges oljostaatâ Qatarist paijeelkulâttempeivi lâi ton ive jo kuovâmáánu 8. peeivi. Stuárráábijn enâmijn paijeelkulâttempeivi lâi ton ive Ovtâstum staatâin njuhčâmáánu 15. peeivi, Ruošâst cuáŋuimáánu 21. peeivi, Saksaast vyesimáánu 2. peeivi já Kiinast kesimáánu 16. peeivi. Pyeremuuh enâmeh lijjii Vietnam, Marokko já Kirgisia, moi paijeelkulâttempeeivih lijjii eskin juovlâmáánu pelimuddoost tâi loopâst.[1][7]
2023
muteIve 2023 Suomâ paijeelkulâttempeivi lâi njuhčâmáánu 31. peeivi, já maailm paijeelkulâttempeivi lâi porgemáánu 2. peeivi.[1]
2024
muteIve 2024 Suomâ paijeelkulâttempeivi lâi cuáŋuimáánu 12. peeivi. Taažâ paijeelkulâttempeivi lâi siämmáá peeivi ko Suomâ. Ruotâst tot lâi cuáŋuimáánu 21. peeivi. Arâdumos paijeelkulâttempeivi (11.2.) lâi Qatarist. Meiddei Luxemburgist (20.2.) já Ovtâstum arabiemiirikuudijn (4.3.) uđâsmuvvee luánduriggoduvah kulâttuvvojii loopân tooláá.[3]
Ive 2024 maailm paijeelkulâttempeivi lâi porgemáánu 1. peeivi.[8]
Käldeeh
mute- ↑ 1,0 1,1 1,2 1,3 Koskokko lâi maailm paijeelkulâttempeivi anarasaavis.fi. 7.8.2023. Čujottum 9.8.2023.
- ↑ Country Overshoot Days Earth Overshoot Day. Čujottum 9.8.2023. (eŋgâlâskielân)
- ↑ 3,0 3,1 Suomâ paijeelkulâttempeivi lâi 12.4. anarasaavis.fi. 16.4.2024. Čujottum 16.4.2024. (suomâkielân)
- ↑ Earth Overshoot Day 2024 Global Footprint Network. Čujottum 7.8.2024. (eŋgâlâskielân)
- ↑ Suomen ylikulutuspäivä on tänään – suomalaiset yksi maailman eniten kuluttavista kansoista WWF Suomi. 12.4.2024. Čujottum 16.4.2024. (suomâkielân)
- ↑ 6,0 6,1 Tänään on se päivä vuodesta, kun Suomi on kuluttanut oman osuutensa koko vuoden uusiutuvista luonnonvaroista Yle Uutiset. 12.4.2024. Čujottum 16.4.2024. (suomâkielân)
- ↑ Tässä ovat maailman suurimmat tuhlurit: 10 eniten luonnonvaroja kuluttavaa maata mtvuutiset.fi. 1.8.2018. Čujottum 9.8.2023. (suomâkielân)
- ↑ Maailm paijeelkulâttempeivi lâi 1.8. anarasaavis.fi. 7.8.2024. Čujottum 7.8.2024.