Paaccâhloddááš
Paaccâhloddááš (Loxia curvirostra) lii varbuslodde, mii kulá piäippáinij hiäimun.
| Paaccâhloddááš Loxia curvirostra (Linnaeus, 1758) |
|
|---|---|
 |
|
| Tile | LC (eellimvuáimálâš)[1] |
| Tile Suomâst | LC (eellimvuáimálâš)[2][3] |
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Varbuslodeh Passeriformes |
| Hiäimu | Piäippáineh Fringillidae |
| Suuhâ | Paaccâhlodeh Loxia |
| Šlaajâ | curvirostra |
Stuárudâh já tobdomeerhah mute
Paaccâhloddááš lii 15–17 cm kukkosâš lodde, mii tiäddá 35–53 g. Ores lii ruopsâd, niŋálâs fiskisruánáá já nuorâ lodde ruškisräänis já sárgáá. Lode jyelgih já njune láá tevkisruškâdeh, já ton kirdemjienâ lii uánihis "plit". Paaccâhloddááš sulâstit ennuv stuorrâpaaccâhlode. Távjá áinoo iäru lii, ete paaccâhloddáá njune ij lah siämmáá kossuv ko stuorrâpaaccâhloddeest.[4]
Lavdâm já eellimpiirâs mute
Paaccâhloddááš iälá vijđáht Euroop já Aasia boreaallii kuácceevyevdistielâsist. Suomâst tot pessee kuosâ ordârääji máddáápeln já pessimnääli mulsâšud ennuv ihásávt kuosâ siemâšado mield. Nääli lii áárvu mield 50 000–400 000 paarrâd.[5] Paaccâhloddááš vaajâld raavâd maajeeld ive pirrâ. Uási luudijn tálvástâleh Suomâst.[4]
Lasanem mute
Paaccâhloddááš piervâld kuácceemuorân kierruu piällás já mannee uđđâive-njuhčâmáánust 3–5 mane. Niŋálâs láálá moonijd 13 peivid já ores piämmá tom läällim ääigi. Uđâgááh vyelgih piervâlist 16–18 peeivi ahasâžžân.[4]
Raavâd mute
Paaccâhloddááš porá iänáážin kuosâ mut meid peesi já lostâkuosâ siemânijd.[4]
Käldeeh mute
 |
Wikimedia Commonsist láá koveh teikkâ eres tiätuvuárháh fáádást Paaccâhloddááš. |
- ↑ IUCN Red List Čujottum 4.11.2021 (eŋgâlâskielân)
- ↑ Valkama, Jari: Paaccâhloddááš – Loxia curvirostra Suomen Lajitietokeskus. 2019. Čujottum 30.3.2022. (suomâkielân)
- ↑ BirdLife Suomi Čujottum 4.11.2021 (suomâkielân)
- ↑ 4,0 4,1 4,2 4,3 Luontoportti.fi Čujottum 4.11.2021 (suomâkielân)
- ↑ Suomen lintuatlas Čujottum 4.11.2021 (suomâkielân)