Miina Seurujärvi
Miina Seurujärvi lii šoddâm ive 1974 Lappeenrantast. Sun viettij pärnivuođâs Avelist, mii lii stuárráámus čuákkipäikki Aanaar kieldâst. Suu eenikielâ lii suomâkielâ. Sun lii oppâm anarâškielâ, tastko tot lii suu kállá eenikielâ. Anarâškielâ lii suu perruu päikkikielâ.[1]
Miina valmâštui filosofia maisterin Oulu ollâopâttuvâst ive 2015. Suu Pro Gradu -tuuđhâlm fáddán láá anarâškielâ kuulmâstaavvâlsâš nominij sujâttemparadigmah, tai tubdâm já šlajâttâllâm. Šlajâttâllâm vuáđđun láá lekseemmaddust tábáhtuvvee nubástusah: täsimolsom, uánánem, kukkom já vookaalnubástusah.[2]
Tááláá ääigi Miina áásá Pärttihist, mii lii uccâ siijdâš Aanaarjäävri riddoost Aanaar markkânist tavenuorttân Aanaar kieldâst. Sun lii pargoost anarâškielâlâš oppâmateriaalpargen Sämitiggeest. Ton lasseen sun tuáimá Anarâškielâ seervi värisaavâjođetteijen.
Miina Seurujärvi tooimâi kielâmiäštárin anarâškielâ CASLE-tievâsmittemškovliittâsâst 2009–2010.[1]
Käldeeh
mute- ↑ 1,0 1,1 casle.fi Čujottum 4.4.2021 (eŋgâlâskielân)
- ↑ Miina Seurujärvi - jultika.oulu.fi Čujottum 4.4.2021 (eŋgâlâskielân)