Marit Gaup Eira
| Marit Gaup Eira Šelgon Joreha Máret | |
|---|---|
| Persovntiäđuh | |
| Šoddâm | syeinimáánu 13. peeivi 1945 |
| Aalmugjeessânvuotâ | Taažâ |
| Musikkár | |
| Artistnommâ | Marit Gaup Eira |
| Lávlumkielah | orjâlâškielâ |
| Genreh | juáigus |
| Čuojânâsah | jienâ |
| Palhâšumeh | |
| Áillohaš-muusikpalhâšume (2012) | |
| Peerâ | |
| Vaanhimeh | Jørgen Johansen Gaup (1893–1960) Kristine Larsdatter Gaino (1904–1977) |
| Pelikyeimi | Mikkel Andersen Eira |
Marit Gaup Eira teikkâ Šelgon Joreha Máret[1][2] (š. syeinimáánu 13. peeivi 1945) lii orjâlâš pajeolmooš, lávloo já jyeigee.[3]
Eellim
muteJyemehááh Marit Ragna Jørgensdatter Gaup (Šelgon Joreha Máret) já Risten Sara Jørgensdatter Gaup (Šelgon Joreha Risten Sárá) šoodáin syeinimáánu 13. peeivi 1945.[4] Sunnuu eeči lâi Jørgen Johansen Gaup (Šelgon Joret, 1893–1960) já enni lâi Kristine Larsdatter Gaino (Bánni Risten, 1904–1977).[5][6] Maŋeláá Šelgon Joreha Máret naajâi Mikkel Andersen Eirain.[5]
Muusik
muteŠelgon Joreha Máret juoigâškuođij, ko sun toolâi poccuid tondiet ko suu enni lâi ristâhâs ige tiptám suu juoigâđ pääihist. Sust šoodâi čepis jyeigee, kii lii ovdâmerkkân uásálistám Sámi Grand Prix -juoigâm- já lávlumkišto juoigâmuásán jo luhhii já vuáittám kišto jo kulmii.[7][2]
Ive 2004 suu sooloalbum Beaskađas almostui. Albumist láá iänáážin ärbivuáválâš olmoošjuáiguseh. Vittâ ive maŋeláá jyemehááh almostitijn orjâlâškielâg salmâskiäru Ipmeláhči Hálddus.[1][8] Ive 2005 Šelgon Joreha Máret oovtâst kálláinis juoigâi Maj-Lis Skaltje muusikalbumist Davvi Jienat, mast láá ärbivuáválâš sämimuusik miätá Säämi,[9] já ive 2013 suoi láin Skaltje eelleekooveest Juoigan.[10]
Palhâšumeh
muteIve 2012 sun vuoitij Áillohaš-muusikpalhâšume, mon Taažâ sämmilij riijkâservi, Kuovdâkiäinu kieldâ já Kuovdâkiäinu Sämmilij servi vuáđudii Nils-Aslak Valkeapää 50. šoddâmpeeivi kunnen.[11][7]
Diskografia
mute- 2004 – Beaskađas
- 2009 – Ipmeláhči Hálddus, oovtâst Risten Sara Gaup Turijn
Nurâldâhskiäruh
muteEirast láá pitáh čuávuváin skiäruin:
- 2002 – Sami Grand Prix 2002, pittáin Maj Cecilie
- 2003 – Sami Grand Prix 2003, pittáin Johan Martin
- 2005 – Davvi Jienat
- 2010 – Sámi Grand Prix 2010, pittáin Ane Marita
- 2018 – Sámi Grand Prix 2018, pittáin Ánte Juhán oovtâst Berit Inger Anne Eira Buljoin
Käldeeh
mute
- ↑ 1,0 1,1 1,2 Olli, Anne. Bovttiiga dovdduid sálmmaiguin. NRK Sápmi. 14.4.2009. Čujottum 8.4.2021 (orjâlâškielân)
- ↑ 2,0 2,1 2,2 Sara Oskal, Maret Biret. Joikekonsert med en ny vri. NRK Sápmi. 25.3.2016. Čujottum 8.4.2021 (tárukielân)
- ↑ 3,0 3,1 Eira, Sara Kristine. Mannsdominert yrke. NRK Sápmi. 12.3.2012. Čujottum 8.4.2021 (orjâlâškielân)
- ↑ 4,0 4,1 Kristine Sara Jørgensdatter Turi. Geni. 11.12.2014. Čujottum 9.4.2021 (eŋgâlâskielân)
- ↑ 5,0 5,1 5,2 Eira, Mikkel Andersen; Eira, Mai Britt; Eira, Johan A; Murud, Marit M Eira;Gaup, Mikkel Per J. Bávttajohtgiera siida (Beaskáđas, Sállan). [Árbevirolaš gullevašvuohta dálveeatnamiidda. Bávttajohtgiera siida – ovdalaš Vullošnjárga. Dokumenterehuvvon dieđut.]. 26.05.2020. s. 5. Čujottum 9.4.2021 (orjâlâškielân)
- ↑ 6,0 6,1 Luohteboddu: Tidspunkter. NRK Radio. 10.12.2020. Čujottum 9.4.2021 (tárukielân)
- ↑ 7,0 7,1 7,2 Hætta, Wenche Marie. Hvem-Hva-Når om Sámi Grand Prix. NRK Sápmi. 29.3.2007. Čujottum 9.8.2021 (tárukielân)
- ↑ 8,0 8,1 Marit Gaup Eira. NRK Sápmi. 29.3.2010. Čujottum 9.8.2021 (orjâlâškielân)
- ↑ 9,0 9,1 Davvi Jienat - Northern Voices. Spotify. Čujottum 9.4.2021 (eŋgâlâskielân)
- ↑ 10,0 10,1 Juoigan (2014). IMDB. Čujottum 9.4.2021 (eŋgâlâskielân)
- ↑ 11,0 11,1 Utsi, Johan Ante. Fikk Áillohaš-prisen. NRK Sápmi. 7.4.2012. Čujottum 9.4.2021 (tárukielân)
