Lavrukkâš (nuorttâlâškielân Laarikaž teikâ Laareek) lii sáŋgár Suomâ sämmilij já Tave-Pohjanmaa čuđemainâsijn. Taat vielgisvuoptâsâš čepis kandâ taištâlij ryeššilij já kärjillij vuástá.

Nommâ mute

Anarâškielâlâš nommâ Lavrukkâš puátá suomâkielâlii noomâst Lavrukainen. Nuorttâlâškielâlâš nommâ Laarikaž teikâ Laareek vuod puátá kärjilkielâlii noomâst Larikka.[1]

Lavrukkâš čuđemainâsijn mute

Lavrukkáá tobdeh pyeremustáá mainâsijn, main suu págutteh toimâđ uápisteijen. Sun lii kuittâg nuuvt čeppi, et sun luhostuvá tuššâdiđ ubâ čuđejuávhu. Ovdâmerkkân oovtâ mainâsist sun joođeet čuuđij kárbá kuoškân já njuškee majemuu puudâ toorvon källee oolâ. Nube mainâsist sun hokâttâl čuuđijd suollui puurrâđ muorjijd, mut talle sun kuáđá sii toho jäämmiđ niälgán. Sun paattâr meddâl já váldá puoh kárbáid fáárun.[1]

Käldeeh mute

  1. 1,0 1,1 Lavrukaš – Saamelaiskulttuurin ensyklopedia senc-prod.it.helsinki.fi. Čujottum 21.7.2022. (suomâkielân)