Kärigâsnjargâ
Kärigâsnjargâ (orjâlâškielân Gáregasnjárga já suomâkielân Karigasniemi) lii uccâ siijdâš já räjisajattâh Ucjuuvâ kieldâst Aanaarjuuvâ riddoost. Ton aldemus naabur lii Taažâ peln leijee Kárášjuuhâ, mii lii suulân 18 km keččin Kärigâsnjaargâ siijdâ kuávdáást. Kärigâsnjaargâst ääsih suulân 300 olmožid, kiäin paijeel peeli láá sämmiliih já sárnuh orjâlâškielâ. Siijdâst lii kyevtkielâg ovtâstittum škovlâ.
| Kärigâsnjargâ | |
|---|---|
 Kärigâsnjargâ |
|
  Kärigâsnjargâ |
|
|
Koordinaateh: |
|
| Staatâ |
 Suomâ |
| Eennâmkodde | Lappi |
| Kieldâ | Ucjuuhâ |
| Postânummeer | 99950 |
| Äigi | UTC+2 |
Kärigâsnjaargâst láá muáddi raavvâdviäsu já bensiinsajattuv sehe stuorrâ purrâmuškävppi. Stuárráámus uási äššigâsâin láá taažah, tastko Suomâst hadeh láá čuuvtij häälbih ko Taažâst. Kärigâsnjaargâst eelih meiddei ennuv kuálásteijeeh. Tiänujuuhâ, mii lii ohtâ Tave-Euroop stuárráámuin já merhâšitteemuin luosâjuuvâin, álgá Kárášjuuvâ já Aanaarjuuvâ ovtâstumsaajeest Kärigâsnjaargâ siijdâ alda.
Kärigâsnjargâ lii suulân 101 km keččin kieldâ kuávdáást ađai Ucjuv markkânist.[1] Maađijohtâvuotâ Ucjuuhân huksejui ive 1983. Aanaar kieldâst leijee Aŋŋel sijdâ lii suulân 63 km máádás Kärigâsnjaargâst.
Keejâ meid mute
Fáádást eres soojijn mute
Wikimedia Commonsist láá koveh teikkâ eres tiätuvuárháh fáádást Kärigâsnjargâ.
Käldeeh mute
- ↑ Explore Utsjoki (PDF) exploreutsjoki.fi. Čujottum 21.2.2022. (suomâkielân)
