Ive 2024 maailm almosvalastâllâm palhâšumeh
Ive 2024 maailm almosvalastâllâm palhâšumeh láá palhâšumeh, maid Aalmugijkoskâsâš almosvalastâllâm kuávdášornijdume keigij juovlâmáánu 1. peeivi 2024 Monacost. Palhâšumeh keigejuvvojii motomáid almosvalastâlleid, kiäh piergejii pyereest ive 2024.[1]
.jpg)
Palhâšumeh
muteIve maailmvalastâllee – Nisoneh
muteVuáládâheennâmlâš kuhes mađhij käččee Sifan Hassan nomâttui ive almosvalastâllen.[2][3]
Ive maailmvalastâllee – Almaah
muteBotswanalâš sprintter Letsile Tebogo nomâttui ive almosvalastâllen. Tebogo vaaldij vuástá palhâšumes ton maŋa, ko sun šoodâi vuosmužžân afriklâžžân, kote vuoitij olympialijn 200 meetter määđhi aigijn 19,46. Sun kuođij tuáhásis ameriklii Kenny Bednarek já kievrâmuu vyeitteeiävtukkâs Noah Lyles.[3]
Rađevalastâllâm – Nisoneh
muteOvtâstumstaatâlâš Sydney McLaughlin-Levrone palhâšui rađevalastâllen, tastko sun rikoi jieijâs puáris maailmulâttâs 400 meetter äiđikaččâmist. Sun vuoitij kole aigijn 50,37 Pariisist.[3]
Kieddivalastâllâm – Nisoneh
muteUkrainalâš Yaroslava Machuchikh vuoitij nisonij kieddivalastâllâmpalhâšume, tastko sun pyeredij puáris maailmulâttâs alodâhnjuškiimist já njuškij 2,10 meetterist. Sun lâi eidu tiävdám 22 ihheed olympiakole vyeitidijnis.[3]
Stadion ulguubeln – Nisoneh
muteSifan Hassanân keigejui meid stadion ulguupiälásii valastâllâm palhâšume oskomettum puátusistis olympiamaratonist, mon sun vuoitij ton maŋa ko lâi vistig vuáittám rađe alne kyehti proonsi, vistig 5 000 meetter kaččâmist pakkâ šooŋâst já ton maŋa 10 000 meetter kaččâmist. Sunjin paasij tuše oovtâ peeivi vuoiŋâstemäigi 10 000 meetter já maraton kooskâst. Suu loppâčovgim maratonist lâi eromâš, tastko sun vuoitij etiopialii maailmulâttâs haldâšeijee Tigist Assefa tuše kulmáin sekuntáin.[3]
Rađevalastâllâm – Almaah
muteTebogo finnij meid almai palhâšume pyeremussân almosvalastâllen rađe alne.[3]
Kieddivalastâllâm – Almaah
muteRuátálâš stávránjuškejeijee Armand Duplantis vuoitij almai kieddivalastâllâmkategoria, tastko sun ij táppám ohtiigin ive 2024 ääigi. Sun vuoitij meid olympiakole uđđâ maailmulâttâssáin já njuškij 6,26 meetter aloduvvâst.[3]
Stadion ulguubeln – Almaah
muteEtiopialâš maratonvyeittee Tamirat Tolan keigejui stadion ulguupiälááš palhâšume.[3]
Pajaneijee täsni – Nisoneh
muteEtiopialâš eestâkäččee Sembo Alamyew finnij pajaneijee tääsni palhâšume.[3]
Pajaneijee täsni – Almaah
muteItalialâš kukkodâhnjuškejeijee Mattia Furlani finnij pajaneijee tääsni palhâšume.[3]
Käldeeh
mute- ↑ Hassan and Tebogo named World Athletes of the Year | World Athletics worldathletics.org. Čujottum 4.12.2024. (eŋgâlâskielân)
- ↑ Sifan Hassan makes history as first Dutch person to be named best athlete in the world nltimes.nl. 1.12.2024. Čujottum 4.12.2024. (eŋgâlâskielân)
- ↑ 3,00 3,01 3,02 3,03 3,04 3,05 3,06 3,07 3,08 3,09 Olthuis, Marja-Liisa: Olympiavyeitteeh Sifan Hassan já Letsile Tebogo nomâttum Ive almosvalastâllen anarasaavis.fi. 4.12.2024. Čujottum 4.12.2024.