Euroviisuh-lávlumkišto 2010

Euroviisuh-lávlumkišto 2010 lâi 55. kerdi, ko lávlumkišto uárnejui. Kišto uárnejui Oslost, Taažâst, tondiet ko Taažâ ovdâsteijee Alexander Rybak vuoitij ive 2009 kišto, ko sun finnij finalist 387 čyegisid pitástis Fairytale.

Semifinaleh uárnejuvvojii vyesimáánu 25. peeivi já 27. peeivi. Fiinaal uárnejui vyesimáánu 29. peeivi 2010. Kiišton uásálistii ohtsis 39 staattâd. Georgia maacâi Euroviisuh-lávlumkiišton. Nelji staatâ vist iä uásálistám toos: Andorra, Tšekki, Uŋgar já Montenegro. Liettua lâi almottâm, ete tot ij uásálist ive 2010 kiišton, mut maŋeláá tot kuittâg uásálistij.

Saksa ovdâsteijee Lena finnij finalist 246 čyegisid pitástis Satellite já vuoitij kišto. Sun finnij aalmugijkoskâsijn raađijn 187 čyegisid já telejienâstmist 243 čyegisid. Taat lâi Saksa vuossâmuš vuáittu Euroviisuin tast maŋa ko Nuorttâ-Saksa já Viestâr-Saksa ovtâstuvvii ive 1990.

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Euroviisuh-lávlumkišto 2010.