Elin Anna Labba

Elin Anna Labba
Joná Gusttu Elin Ánná
Elin Anna Labba.jpg
Šoddâm skammâmáánu 30. peeivi 1980 (ahe 41)
Kiärun
Pargo
Áámmát kirječällee já toimâtteijee
Noomah Elin Anna Labba
Joná Gusttu Elin Ánná
Kielâ ruotâkielâ
Lasetiäđuh
Päikkisijđo https://www.buoritolbmot.com/

Elin Anna Labba (orjâlâškielân Joná Gusttu Elin Ánná; š. skammâmáánu 30. peeivi 1980, Kiärun, Ruotâ) lii sämmilâš kirječällee já toimâtteijee Ruotâ peln. Sun lii vuáittám maaŋgâid palhâšuumijd suu vuossâmuu kirjestis Herrarna satte oss hit: om tvångsförflyttningarna i Sverige, mii kovvee, maht sämmiliih páguttuvvojii varriđ Taažâst Ruotân 1920-lovvoost.

EellimMute

Elin Anna Labba šoodâi skammâmáánu 30. peeivi 1980 Kiärunist, kost sun meid rávásmij.[1] Te sun varrij Göteborgân luuhâd journalistiik Göteborg ollâopâttuv Journalistiik, mediai já viestâdem instituutist.[2] Jo škoovlâ ääigi Labba poorgâi toimâtteijen P4 Norrbottenist, SR Sápmist já uđâsloostâst Samefolketist.[1] Sun valmâštui ive 2008.[2]

Valmâštum maŋa sun poorgâi uáivitoimâtteijen sämmilij nuorâi loostâst Nuorat já viestâdemhovdân Laponiatjuottjudusist.[3] Onnáá peeivi sun parga proojeekthovdân kirječällei kuávdáást Tjállegoahtest Juhâmohheest.

Ive 2020 suu vuossâmuš kirje, Herrarna satte oss hit: om tvångsförflyttningarna i Sverige almostui. Siämmáá ive tot almostui orjâlâškielân-uv noomáin Hearrát dat bidje min: bággojohtimiid birra. Čuávvuváá ive tot almostui tárukielân noomáin Herrene sendte oss hit: om tvangsflyttingen av samene. Tot ij lah almostum anarâškielân.

PalhâšumehMute

Ive 2020 Labba vuoitij August-palhâšume ruotâkielâg kirjestis Herrarna satte oss hit: om tvångsförflyttningarna i Sverige. Čuávvuváá ive sun vuoitij siämmáá kirjeest meid Norrland-kirjálâšvuođâpalhâšume.

KirjehMute

  • Herrarna satte oss hit: om tvångsförflyttningarna i Sverige, Norstedts 2020, ISBN 9789113101682 (ruotâkielân)

AntologiainMute

  • Du blir vad du säger: om hatspråk, yttrandefrihet och vikten av ett demokratiskt samtal, toim. Henrik Sjöberg, Ingrid Carlberg, Jesper Bengtsson, Norstedts 2021, ISBN 9789113117881 (ruotâkielân)
  • Inifrån Sápmi: vittnesmål från stulet land, toim. Patricia Fjellgren já Malin Nord, Verbal 2021, ISBN 9789189155497 (ruotâkielân)

Jurgâlusah Labba kiirjijnMute

  • Hearrát dat bidje min: bággojohtimiid birra, Norstedts, 2020, ISBN 9789113102436 (ruotâkielâst orjâlâškielân jurgâlâm Lea Simma)
  • Herrene sendte oss hit: om tvangsflyttingen av samene, Pax, 2021, ISBN 9788253042480 (ruotâkielâst tárukielân jurgâlâm Trude Marstein)

KäldeehMute

  1. 1,0 1,1 Elin Anna Labba. Biblioteken i Norrbotten. Čujottum 7.11.2021 (ruotâkielân)
  2. 2,0 2,1 Möt JMG:s studenter i journalistik. Journalistiik, mediai já viestâdem instituut. Čujottum 7.11.2021 (ruotâkielân)
  3. Dags att öppna porten till världsarvet!. Gällivare kommun. 26.9.2014. Čujottum 7.11.2021 (ruotâkielân)