Vuovdâkuoškâ škovlâ
Vuovdâkuoškâ škovlâ, ovdil Vuovdâkuoškâ aalmugškovlâ (orjâlâškielân Vuovdaguoikka skuvla, ovdil Vuovdaguoikka álbmotskuvla) lâi škovlâ Savonist, Vuovdâkuoškâst, Ucjuuvâst iivij 1885–2002.[1][2] Skoovlâst já máttáátteijein láá lamaš eromâš stuorrâ vaikuttâs orjâlâškielâg čaabâkirjálâšvuotân.[3]
Historjá
muteIve 1873 Ucjuv pitejâščuákkim meridij vuáđudiđ kulmâ aalmugškovlâ Ucjuuhân: Ucjuv markkânân, Vuovdâkuoskân já Njuárgámân.[4] Vuossâmuš aalmugškovlâ vuáđudui ive 1878 Ucjuv markkânân. Aalgâst škoovlâst lijjii 22 uápped.[4] Neelji ive keččin škoovlâst uáppeeh lijjii innig 9 já te ive 1882 Ucjuv markkân škovlâ lopâttui, ko iä lamaš tuárvi uáppeeh.[4]
Čuávuvâžžân meridui vuáđudiđ Vuovdâkuoskâ škoovlâ. Ruávvást Jonathan Gummerus oostij škoovlâ várás kyehti stuorrâ eennâmpitá já staatâ adelij ruuđâid máttáátteijee várás.[4] Čohčuv 1885 Vuovdâkuoškâ škovlâ vuáđudui uccâ tuše 35 m2 rukkoosviistán.[4][5] Visteest lâi škoovlâ várás 24 m2 sali já máttáátteijee, suu kálgu já sunnuu neelji párnáá várás 9 m2 káámmár perruu aassâmviäsun.[4][6] Čuávuváá ive škovlâ sirdui eđâbiššáá viistán já ive 1889 nubbáá, uđđâ škovlâviistán.[4]
Škoovlâ máttáátteijeeh
muteVuovdâkuoškâst lâi aalgâst koskâpuddâsâš máttáátteijee. Ive 1885 škoovlân pálkkááttui fastâ máttáátteijen syemmilâš Elias Erikson, kii ij lamaš luuhâm máttáátteijen ige máttám orjâlâškielâ teikkâ oovtâgin eres sämikielâ.[4][7] Suu kálgu, Olga Erikson, máttááttâlâi nieidáid kietâtyeje.[8] Olga meid máttái orjâlâškielâ nuuvt, ete sun poostij išediđ škovlâlijd, kiäh iä máttám suomâstiđ. Máttááttâs lâi kuuitâg masa ollásávt suomâkielân.[7] Ive 1900 Erikson-kyehtis passijn iäláttâhân 15 pargoive maŋa.[4]
Eriksonij maŋa škoovlân halijdii pálkkááttiđ orjâlâškielâg máttáátteijee, mut máhđulâš iävtukkâs Josef Guttorm ij lamaš val valmâštum Sortavala seminaarist. Te viirgán pálkkááttuin máttáátteijen loimaaliih Antti Juhani já Dagmar Elisabet Aalto.[7] Suoi iävá kuittâggin algâttâm tállán, tastko suoi finnijn virgeluámu táálván, já te Erikson hoittái virge kiiđâ 1901 räi.[7] Tegu Elias Erikson kuábáškin iävá máttám orjâlâškielâ ollágin.[7] Aaltoi valjim ij tuhhim, já suoi maccáin máádás jo roovvâdmáánust 1902.[7][8] Taan keerdi Josef Guttorm pivdui Vuovdâkuoškân máttáátteijen, mut sun ij peessâm škoovlân ovdilgo Aalto-kyevtis varrijn máádás,[7] já te Erikson alge Edvin (teikkâ motomin Eevid) máttááttâlâi tassaažân ko Guttorm peesâi Vuovdâkuoškân.[7][8] Ive 1903 rääjist sämmilâš máttáátteijee Oahptii-Jovsset ađai Josef Guttorm máttááttâlâi škoovlâst tassaažân ko sun paasij iäláttâhân ive 1939.[4][9]
Ko Oahptii-Jovsset paasij iäláttâhân, te máttáátteijen toimâškuođij suu alge Oahptii-Hánsa ađai Hans Aslak Guttorm. Sun máttááttij škoovlâst iivij 1939–1970, já sun meid čaalij kiirjijd tegu Šuvvi jahki škoovlâ tárboid.[4][5][10]
Vaikuttâs orjâlâškielâg čaabâkirjálâšvuotân
muteSkoovlâst já máttáátteijein láá lamaš stuorrâ vaikuttâs orjâlâškielâg čaabâkirjálâšvuotân. Škoovlâ máttáátteijen tooimâi iivij 1939–1970 orjâlâskielâg čaabâkirjálâšvuođâ oovdâstjottee já ive 1985 Sämirääđi kirjálâšvuotâpalhâšume iävtukkâs Hans Aslak Guttorm.[11] Tegu eeččis sun máttááttâlâi orjâlâškielân, veikkâ aalgâst ij lamaš lope máttááttâllâđ párnáid sämikielân.[12] Eenikielâg máttááttâs áánsust škovlâliih máttájii čäälliđ já oovdânpyehtiđ jurduidis jieijâs ennikielân uáli jo pyereest.[13]
Škoovlâ eres tobdos sämmiliih čälleeh láá ei. Oahptii-Jovsset uáppee iivij 1897–1901 Pedar Jalvi[14], Eino Guttorm, Kirste Paltto já Kerttu Vuolab.[15][16]
Käldeeh
mute- ↑ West, Helga: Manne balan, ahte it šat dovdda mu, Sápmi helgawest.com. 26.9.2020. Čujottum 16.6.2023. (tavesämikielân)
- ↑ Vuolab, Káre Márja: Vuovdaguoikka skuvlla viidideapmái huksenlohpi: Huksen álgá jo dán jagi?. Sámi Áigi, 17.8.1984, 6. ihekerdi, nr 40, s. 11. Artikkâl nettiversio Čujottum 17.6.2023. (tavesämikielân)
- ↑ Eriksen, Arne: — Vi trenger ungdomsbøker. Altaposten, 26.7.1986, 18. ihekerdi, nr 82, s. 11. Artikkâl nettiversio Čujottum 17.6.2023. (tárukielân)
- ↑ 4,00 4,01 4,02 4,03 4,04 4,05 4,06 4,07 4,08 4,09 4,10 Lassila, Juhani: Lapin koulutushistoria - Kirkollinen alkuopetus, kansa-, perus- ja oppikoulut, osa 1. Oulun yliopisto, 2001. Tyeje nettiversio.
- ↑ 5,0 5,1 Opetus – Saamelaiskulttuurin ensyklopedia saamelaisensyklopedia.fi. Čujottum 12.3.2023.
- ↑ Gummerus, Jonathan: Virkoja hajettawana U. S. 2 k. 44 r. 1 k. w. Wirka awoinna:. Oulun lehti, 29.7.1885, nr 60, s. 3. Artikkâl nettiversio Čujottum 17.6.2023. (tavesämikielân)
- ↑ 7,0 7,1 7,2 7,3 7,4 7,5 7,6 7,7 Lehtola, Veli-Pekka: ”Kieli- ja koulupolitiikka 1896–1920 — Oma kieli on Jumalan lahja”, Saamelaiset suomalaiset – Kohtaamisia 1896–1953, s. 82–89. Suomâ Kirjálâšvuođâ Servi, 2012. ISBN 978-952-222-331-9. Tyeje nettiversio (PDF) (čujottum 17.6.2023). (suomâkielân)
- ↑ 8,0 8,1 8,2 Fränti, A.: Outakosken kansakoulu. Opettajain lehti : kansanopetusta käsittelevä kuvallinen viikkolehti, 28.8.1914, 9. ihekerdi, nr 25, s. 1–2. Artikkâl nettiversio Čujottum 17.6.2023. (suomâkielân)
- ↑ Joseph Olofsson Uulanpoika Guttorm Geni.com. Čujottum 17.6.2023. (eŋgâlâskielân)
- ↑ Lohkandiploma kirjasto.one. Čujottum 16.6.2023. (tavesämikielân)
- ↑ Sämmilâš kirjálâšvuotâ njálmálii ärbivyevist čaabâkirjálâšvuotân (1600–1970) Ruávinjaargâ kaavpugkirjerááju: Suomâ sämmilâš eromâškirjerááju. Čujottum 16.6.2023.
- ↑ Jávrri-Juhán Niillas: Oahpaheaddjit buolvvas bulvii. Sámi Áigi, 18.12.1987, nr 48, s. 6. Artikkâl nettiversio Čujottum 12.6.2023. (tavesämikielân)
- ↑ Sámi Čuvgehussearvi 50-jahkasaš. Sámi Áigi, 17.12.1982, 4. ihekerdi, nr 49, s. 8. Artikkâl nettiversio Čujottum 17.6.2023. (tavesämikielân)
- ↑ Capdeville, Sophie: ”Suomen saamenkielisten painotuotteiden alkutaival: ensimmäisistä saamennoksista saamenkieliseen kirjallisuuteen”, Jieijâs sanijgijn — čalluuh ucceeblovokielâi čäällimhäämi kevttimist, s. 29–58. Päikkieennâm kielâi tutkâmkuávdáš, 2009. ISBN 978-952-5446-37-1. Tyeje nettiversio (PDF) (čujottum 17.6.2023). (suomâkielân)
- ↑ Aikio, Jouni: Skuvla vuođđuduvvui Ohcejoga gielddas jagis 1878 Yle. 6.2.2017. Čujottum 16.6.2023. (tavesämikielân)
- ↑ Hirvonen, Vuokko: Paltto, Kirste (1947 - ) Kansallisbiografia. 15.1.2010. Čujottum 16.6.2023. (suomâkielân)
