Toto Cutugno
| Toto Cutugno | |
|---|---|
.jpg)
| |
| Persovntiäđuh | |
| Šoddâm | syeinimáánu 7. peeivi 1943 |
| Šoddâmsaje | Fosdinovo, Toscana, Italia |
| Jáámmám | porgemáánu 22. peeivi 2023 (80-ihásâžžân) |
| Aalmugjeessânvuotâ | italialâš |
| Musikkár | |
| Aktiivlâžžân | 1965–2023 |
| Genreh | pop, pop rock |
| Peerâ | |
| Pelikyeimi | Carla (1971–2023) |
| Párnááh | 1 |
Salvatore "Toto" Cutugno (7. syeinimáánu 1943 Fosdinovo, Italia – 22. porgemáánu 2023 Milano, Italia) lâi italialâš lávloo já laavlârähtee.
Eellim
muteSalvatore "Toto" Cutugno šoodâi syeinimáánu 7. peeivi 1943 Fosdinovo kieldâst, Toscana kuávlust. Sun jaamij 80-ihásâžžân pyecceiviäsust Milanost porgemáánu 22. peeivi 2023.[1][2] Sust lâi ohtâ puárásub uábbi, mii jaamij 7-ihásâžžân, ohtâ nuorâb uábbi já ohtâ nuorâb viljâ.[3][4] Suu eeči, mii jaamij ive 1980, lâi vuálgus Barcellona Pozzo di Gottost, Sisiliast.[3] Ubâ peerâ varrij La Spezian muáddi mánuppaje tast maŋa, ko Salvatore lâi šoddâm.[3]
Toto Cutugno naajâi Carlain ive 1971. Suoi láin oovtâst Toto jäämmim räi. Sunnust iä lamaš párnááh, mut Totost lâi ohtâ alge (š. 1990) nubbijn nisonáin.[5]
Karrieer
muteCutugno karrieer aalgij 1960-lovvoost rumbučuojâtteijen. Sun tooimâi rumbučuojâtteijen vistig tagarijn muusikjuávhuin ko Ghigo e i goghi já Toto e i tati já talle Albatros-nommâsii muusikjuávhust, mon sun vuáđudij ive 1974.[6][7]
Cutugno algâttij soolokarrieeris ive 1976. Sust šoodâi pegâlmâs ubâ maailmist ive 1983, ko sun almostitij pitá L'italiano ađai "Italialâš". Raul Reiman jurgâlij pitá suomâkielân jo ton almostittemive, já toos adelui nommâ Olen suomalainen ađai "Mun lam syemmilâš". Suomâkielâlii versio láávlui syemmilâš lávloo Kari Tapio.[6][7]
Eres-uv pitáh láá jurgâlum suomâkielân. Tain tobdosumoseh láá Etsin kunnes löydän sun ađai "Mun uusâm tassaažân ko kaavnâm tuu" (algâalgâlâš nommâ Oasis), Kuusamo ađai "Kuáccám" (algâalgâlâš nommâ Africa) já Hei Buona Notte ađai "Hei, pyeri ijjâ" (algâalgâlâš nommâ Buonanotte). Suomâkielâlijd versioid láá lávlum tagareh muusiktääsnih ko Markku Aro, Danny já Paula Koivuniemi.[6][7]
Lávloo já laavlârähtee karrieeris lasseen Cutugno piergij pyereest meiddei jieškote-uvlágánijn lávlumkištoin. Ive 1980 sun vuoitij San Remo muusikfestivaal pittáin Solo noi ađai "Tuše mij"[8], já ive 1990 sun vuoitij Euroviisuid pittáin Insieme: 1992 ađai "Oovtâst: 1992".[6][9]
Diskografia
mute- Válduartikkâl: Toto Cutugno diskografia
Albumeh
mute- 1978 - Come ieri, come oggi, come sempre
- 1979 – Voglio l'anima (Carosello CLN 25082)
- 1981 – Innamorata, innamorato, innamorati (Carosello CLN 25087)
- 1982 – La mia musica (Carosello CLN 25093)
- 1983 – L'italiano (Carosello CLM 1000)
- 1985 – Per amore o per gioco (Baby Records 207467)
- 1986 – Azzurra malinconia (Emi 64 1187401)
- 1987 – Mediterraneo (Emi 64 7468711)
- 1990 – Toto Cutugno (Baby Records 210794)
- 1991 – Non è facile essere uomini (Emi 66 7984561)
- 1995 – Voglio andare a vivere in campagna (Emi 7243-8-32887-4)
- 1997 – Canzoni nascoste (Carosello 300595-2)
- 2002 – Il treno va... (Carosello CARSH 110-2)
- 2005 – Come noi nessuno al mondo (Edel ERE 0161922)
- 2006 – Cantando (Universal 982528-3)
- 2008 – Un falco chiuso in gabbia (NAR International NAR 10208-2)
- 2013 – L'italiano - la nuova versione (Carosello NMDC CD 159/13)
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Toto Cutugno.
- Toto Cutugno Internet Movie Databasest (eŋgâlâskielân) (eŋgâlâskielân)
Käldeeh
mute- ↑ È morto Toto Cutugno. Aveva appena compiuto 80 anni RaiNews. 22.8.2023. Čujottum 25.8.2023. (italiakielân)
- ↑ Khalil, Hafsa: Toto Cutugno, Italian singer famous for smash-hit single 'L'Italiano,' dies CNN. 23.8.2023. Čujottum 25.8.2023. (eŋgâlâskielân)
- ↑ 3,0 3,1 3,2 Vulpio, Carlo: Toto Cutugno: «Quando ho visto morire mia sorellina di 7 anni. “L’Italiano”? Scritta al ristorante» www.corriere.it. 9.12.2018. Čujottum 25.8.2023. (italiakielân)
- ↑ Anna Cutugno, la sorella di Toto morta a 7 anni: "Stava mangiando gli gnocchi..." IlSussidiario.net. 6.6.2020. Čujottum 25.8.2023. (italiakielân)
- ↑ Toto Cutugno, la moglie Carla, sposata nel 1971 e il figlio Nico. Il dramma della sorella morta a 7 anni www.ilmattino.it. 22.8.2023. Čujottum 25.8.2023. (italiakielân)
- ↑ 6,0 6,1 6,2 6,3 Brecciaroli, Fabrizio: Italialâš lávloo Toto Cutugno lii jáámmám | Anarâš aavis anarasaavis.fi. 24.8.2023. Čujottum 25.8.2023.
- ↑ 7,0 7,1 7,2 Tyystjärvi, Ilona: L'Italiano-hitistään tunnettu Toto Cutugno on kuollut Helsingin Sanomat. 22.8.2023. Čujottum 25.8.2023. (suomâkielân)
- ↑ Festival di Sanremo 1980 hitparadeitalia.it. Čujottum 25.8.2023. (italiakielân)
- ↑ Eurovision 1990 Results: Voting & Points Eurovisionworld. Čujottum 25.8.2023. (eŋgâlâskielân)