Sauli Niinistö

Sauli Väinämö Niinistö (š. porgemáánu 24. peeivi 1948, Salo, Suomâ) lii syemmilâš politikkár já Suomâ täsivääldi 12. president. Sun algâttij virgeest njuhčâmáánu 1. peeivi 2012 já suu väljejii uđđâsist ive 2018.

Sauli Niinistö ive 2019

Tuávááš

Niinistö šoodâi Salost ive 1948. Sust šoodâi vuoigâdvuođâtiettuu kandidaat ive 1974 Tuurku ollâopâttuvâst.

Politiiklâš karrieer

Niinistö väljejui Salo kaavpugváldustiivrân ive 1977. Suomâ ovdâskoodán sun peesâi vuosmuu keerdi ive 1987. Ko sun lâi almugovdâsteijen, sun tooimâi om. vuáđulahâváljukode saavâjođetteijen. Minister sust šoodâi ive 1995.

Niinistö lii toimâm meid Aalmuglâš Kokoomus saavâjođetteijen 1994–2001.

Persovnlâš eellim

Sauli Niinistö já Jenni Haukio ive 2012

President Niinistö kálgu lii Jenni Haukio. Sunnui šoodâi alge, Aaro, kuovâmáánust 2018. Perrui kulá meid bostonterrier Lennu.

Niinistöst lává meid kyehti alge oovdiš näimilittoost Marja-Leena Alankoin: Nuutti (š. 1975) já Matias (š. 1980).

Olgosadalduvah

Hiljaisten historia. almostum 2007. Helsig

Viiden vuoden yksinäisyys. almostum 2005. Helsig

Yhteinen raha: eurooppalaisen yhteistyön alku- vai päätepiste? artikkâl kirjeest Marginaalista ytimeen: Suomi Euroopan unionissa 1989–2003. Tammi.

Käldeeh

Suomâ presidenteh K. J. Ståhlberg • Lauri Kristian Relander • Pehr Evind Svinhufvud • Kyösti Kallio • Risto Ryti • Carl Gustaf Emil Mannerheim • Juho Kusti Paasikivi • Urho Kekkonen • Mauno Koivisto • Martti Ahtisaari • Tarja Halonen • Sauli Niinistö