Tiina Rinne

syemmilâš čaittâleijee
Tiina Rinne
Persovntiäđuh
Šoddâm vyesimáánu 24. peeivi 1929
Turku, Suomâ
Jáámmám uđđâivemáánu 27. peeivi 2021 (91-ihásâžžân)
Helsig, Suomâ
Karrieer
Aktiivlâžžân 19462018
Merhâšittee roolah Kotikatu
Palhâšumeh
Pro Finlandia -miitaal (1987)
Peerâ
Vaanhimeh Jalmari Rinne
Anni Aitto
Pelikyeimi Aimo Reitala
Párnááh Mikko Reitala
Janne Reitala
Lasetiäđuh
IMDb-sijđo IMDb

Tiina Rinne (24. vyesimáánu 1929 Turku, Suomâ27. uđđâivemáánu 2021 Helsig, Suomâ[1]) lâi syemmilâš čaittâleijee. Sun poorgâi iänááš teatterčaittâleijen, eromâšávt Suomâ Aalmugteatterist, mast sun paasij iäláttâhân ive 1994. Suu mušteh meiddei Maija Mäkimaa roolâst televisiorááiđust Kotikatu.[1]

Priivaateellim mute

Tiina Rinne kuulâi tobdos teattersuuhân. Suu vaanhimeh láin Jalmari RinneAnni Aitto. Suu pelikyeimi lâi ive 1961 rääjist taaiđâhistorjistee Aimo Reitala (1931–2012), já sunnust lijjii kulmâ päärni, kiäin Mikko Reitala lii kirječällee já čaittâleijee, Janne Reitala lii tuáhtár já Heta Reitala lii teattertotkee.[1] Tiina Rinne viiljah láin čaittâleijeeh Tommi RinneTaneli Rinne, já suu uábbipeleh láin čaittâleijeeh Katriina RinneMarjatta Rinne.[2] Čaittâleijeeh Joel RinneEinar Rinne láin Tiina Rinne čeesih, já čaittâleijee Eila Rinne lâi suu uárbimpeeli.[2] Rinne jaamij 91-ihásâžžân uđđâivemáánust 2021. Suu hävdi lii Helsigist Kulosaari hävdienâmist kállás häävdi paaldâst.

Karrieer mute

Tiina Rinne juuđij Suomâ teatterškoovlâst iivij 19471950. Siämmáá kuursâst suin lijjii meid Jussi JurkkaVeikko Sinisalo, kiäh maŋeláá šoodáin čaittâleijen sehe Rauni MollbergMikko Niskanen, kiäh maŋeláá šoodáin stivrejeijen.[2]

Rinne algâttij čaittâleijeekarrieeris ive 1950 Intimiteatterist. Sun čaittâlij om. Tuurku kaavpugteatteristHelsig kaavpugteatterist. Ton lasseen sun lâi pargoost masa 20 ihheed Suomâ Aalmugteatterist. Sun čaittâlij meiddei maaŋgâin elleekuuvijn já televisiorááiđuin. Suu mušteh eromâšávt Maija Mäkimaa roolâst draamarááiđust Kotikatu. Sun lâi fáárust rááiđust ton aalgâst ain ton loopâ räi iivij 19952012.[1]

Palhâšumeh mute

Tiina Rinne finnij Pro Finlandia -miitaal ive 1987.[3]

Filmografia mute

Elleekoveh mute

Televisio mute

Käldeeh mute

  1. 1,0 1,1 1,2 1,3 Kotikadusta tuttu näyttelijä Tiina Rinne on kuollut Yle Uutiset. 28.1.2021. Čujottum 15.1.2022. (suomâkielân)
  2. 2,0 2,1 2,2 Airola, Laura: Tiina Rinteen myötä katosi pala teatterihistoriaa. Aamulehti, 29.1.2021, s. B10. Tampere: Sanoma Oyj.
  3. SUOMEN LEIJONAN PRO FINLANDIA -MITALIN SAAJAT AAKKOSJÄRJESTYKSESSÄ Suomen Leijonan ritarikunta. Čujottum 15.1.2022. (suomâkielân)
 
Jurgâlus
Taat artikkâl teikkâ uási tast lii jurgâlum teikkâ toos láá uccum tiäđuh ereskielâlâš Wikipedia artikkâlist.
Algâalgâlâš artikkâl: fi:Tiina Rinne