Saammâl já puoidâ
Saammâl já puoidâ (eŋgâlâskielân Sammeli and the Stoat) lii čiččâd uási käävciuásásii kyevtkielâg Rumbu-kirjerááiđust. Kirjerááiđu čällee já kovvejeijee lii eŋlandlâš kirječällee Lee D. Rodgers.[1][2] Kirjeráiđu muštâl aanaarsämmilâš kaandâst, kiän nommâ lii Saammâl. Sun lii nuorâ kandâ, kii lijkkoo fiäránáid já Säämi mulsâšuvvee iveaigijd.
Taan kirje maainâs lohtâšuvá kiđđâtáálván. Mainâsist Saammâl tiävá puoiduin já juáhá suin motomijd jieijâs vijsoduvâid, nuuvt ko tom et ij koolgâ árvuštâllâđ iärásijd vuossâmuu vilpâstem vuáđuld.[3]
Kirje almostui ive 2020. Tot lii čallum sehe anarâškielân já eŋgâlâskielân. Kirjeest kielah láá paldâluvâi, vâi kielâid puávtáččij viärdádâllâđ. Anarâškielâlii uási lii jurgâlâm Petter Morottaja.[1] Taam kirje já rááiđu eres-uv kiirjijd lii kuástidâm Anarâškielâ servi ry.
Käldeeh
mute- ↑ 1,0 1,1 Nettisaje - Wiki anarâškielâst já kulttuurist Čujottum 8.9.2021
- ↑ Lapland8seasons - Bookshelf Čujottum 8.9.2021
- ↑ Saammâl já puoidâ — Sammeli and the Stoat. Lee. D. Rodgers. Anarâškielâ servi ry. 2020