Saaʹmi Nueʹtt rs.
Saaʹmi Nueʹtt (nuorttâlâškielân Saaʹmi Nueʹtt rõ) lii ive 2006 vuáđudum sämiservi, mon toimâkuávlun láá nuorttâlij puoh ärbivuáváliih kuávluh Suomâst, Ruošâst já Taažâst. Ton lasseen servi puáhtá toimâđ meid nuorttâlâškuávlu ulguubeln.[1]
Historjá
muteSeervi vuáđudemčuákkim tollui Čevetjäävrist skammâmáánu 1. peeivi 2006.[1] Seervi ulmuuh lijjii aktiivlávt ornim puohlágán tooimâ tegu leeirâid, nuorttâlij kulttuurohoid, kielâpiervâl, pargopáájáid já ennuv eres tábáhtusâid raajij rasta suulân 8 ihheed. Mut čohčuv 2014 servi meridij kepidiđ tooimâ, ko tassaaš siämmáá ulmuuh lijjii hoittám puoh já tääl sij lijjii vaibâm.[2] Servi ij innig uuccâm ruttâdem uđđâ projektáid, mut kuittâg hoittái puoh jo álgám projektijd loopâ räi.[2]
Stivrâ
muteSeervi já ton tooimâ joođeet stivrâ, mon ihečuákkim väljee ihásávt seervi jesânijn.[3] Stiivrâst láá ohtsis vittâ jeessân já kulmâ värijeessân.[3] Stivrâ väljee värisaavâjođetteijee, čällee, ruttâtuállee já táárbu mield eres toimâulmuid.[3] Njuolgâdusâi mield saavâjođetteijee teikkâ värisaavâjođetteijee já paijeel pele stiivrâ jesânijn ferttejeh leđe nuorttâliih.[3]
Suomâ sämmilij kuávdášseervist
muteSaaʹmi Nueʹtt lii lamaš Suomâ sämmilij kuávdášseervi jeessân ive 2008 rääjist.[4][1]
Käldeeh
mute
- ↑ 1,0 1,1 1,2 Toimintakertomukset. Saaʹmi Nueʹtt. Čujottum 30.1.2021 (suomâkielân)
- ↑ 2,0 2,1 Harju, Terhi. Saaʹmi Nueʹtt rõ ǩieʹppad tuåimmjumuužž. Yle Säämi. 20.10.2014. Čujottum 30.1.2021 (nuorttâlâškielân)
- ↑ 3,0 3,1 3,2 3,3 Säännöt Saaʹmi Nueʹtt. Čujottum 30.1.2021 (suomâkielân)
- ↑ Lahttosearvvit - Jäsenyhdistys. Suomâ sämmilij kuávdášservi. 21.11.2020. Čujottum 28.1.2021 (orjâlâš- já suomâkielân)
