Riehtitääsi
Riehtitääsi (nuorttâlâškielân vuõiggâdvuõtt-tääʹss, orjâlâškielân riektedássi, suomâkielân oikeusaste teikkâ instanssi, ruotâkielân instans) uáivild tuámustoovli sajattuv riehtitääsihierarkiast. Táválávt äšši piäijoo joton tuámustoovlist, mii lii vyelemuu ađai vuossâmuu riehtitääsist. Tuámustoovli adelâm čuávdus maŋa puáhtá uuccâđ áášán nubástus čuávuváá riehtitääsist.[1]
Tuámustoovlih Suomâst mute
Suomâst tuámustoovlih juáháseh almolijd tuámustovlijd, haldâttâhtuámustovlijd já sierânâstuámustovlijd. Täin lii jieijâs riehtitääsioornig.
Almolâš tuámustoovlih mute
Suomâst almolijn tuámustovlijn láá 3 sierâ riehtitääsi, moh riehtitääsioornigist maneh vyelemuu tääsist alemuu táásán:
- vuossâmuš riehtitääsi: keerrivrievtih
- nubbe riehtitääsi: hovirievtih
- alemus riehtitääsi: alemus riehti
Almolijn tuámustovlijn kieđâvušeh rijdo- já rikosaašijd sehe eres ucâmušaašijd.
Haldâttâhtuámustoovlih mute
Suomâst haldâttâhtuámustovlijn láá 2 sierâ riehtitääsi, moh riehtitääsioornigist maneh vyelemuu tääsist alemuu táásán:
- vuossâmuš riehtitääsi: haldâttâhriehti
- alemus riehtitääsi: alemus haldâttâhriehti[2][3]
Käldeeh mute
- ↑ Encyclopædia iuridica fennica, Suomalainen lakimiesyhdistys 1994–1999, ISBN 951-855-135-9, osa IV palstat 342–343.
- ↑ Hallinto-oikeudet oikeus.fi Čujottum 4.11.2020 (suomâkielân)
- ↑ Suomâ vuáđulaavâ 9. loho Čujottum 4.11.2020 (suomâkielân)