Ranska täsivääldi president

Ranska täsivääldi president (ranskakielân Président de la République française) lii Ranska staatâhovdâ, kiäm Ranska aalmug väljee njuolgâ valjâiguin viiđâ ive kooskâi. Sun lii meid Ranska piäluštâsvuoimij pajehovdâ. Toos lasseen Espanja Urgell pispe já Ranska täsivääldi president toimâv oovtâst Andorra furstâkyevtisin.

Historjá

Ranska vuossâmuš president väljejui jo ive 1848 ađai Ranska president virge lii puárásumos Euroopist.

Listo Ranska viiđâd täsivääldi presidentijn ive 1959 rääjist

Ovdil ive 2000 president toimâpaje piištij čiččâm ihheed, mut ive 2000 rääjist tot lii pištám vittâ ive. Ive 2008 rääjist siämmáš president puáhtá väljejuđ enâmustáá kuohtii maŋaluvâi.

Kove	Nommâ	Virgeest	Piäládâh
	Charles de Gaulle (1890–1970)	1959–1969	Uđđâ täsivääldi litto
	Alain Poher (vt.) (1909–1996)	1969*	Ranska demokraatlâš kuávdášpiäládâh
	Georges Pompidou (1911–1974)	1969–1974	Täsivääldi demokraatlij litto
	Alain Poher (vt.) (1909–1996)	1974*	Ranska demokraatlâš kuávdášpiäládâh
	Valéry Giscard d'Estaing (1926–2020)	1974–1981	Čoonnâsmáttumij republikaaneh
	François Mitterrand (1916–1996)	1981–1995	Ranska sosialistlâš piäládâh
	Jacques Chirac (1932–2019)	1995–2007	Čokkânim täsivääldi oovdân (ive 2002 räi) Aalmuglihâstâs litto (ive 2002 rääjist)
	Nicolas Sarkozy (š. 1955)	2007–2012	Aalmuglihâstâs litto
	François Hollande (š. 1954)	2012–2017	Ranska sosialistlâš piäládâh
	Emmanuel Macron (š. 1977)	2017–	Täsiväldi joođoost! (ive 2022 rääjist noomáin Renesans)

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Ranska täsivääldi president.