Nooveel

Nooveel (italiakielân novella "uuđâs"^[1]) lii čaabâkirjálâš proosamaainâs, mii muštâl mottoom tábáhtume uánihávt.^[1] Novellist iä laavii leđe ennuv persovneh, já tábáhtume lii räijejum. Klassisii miäruštâllâm mield nooveel puáhtá luhâliđ ovttáin čokkáámáin. Ij lah kuittâggin ain čielgâs, kuás tyeje kolgâččij kočodiđ novellin já kuás uánihis romanin.

Nooveelčälleeh

Tobdos syemmiliih nooveelčälleeh láá el. F. E. Sillanpää, Veikko Huovinen, Martti Joenpolvi, Rosa Liksom já Joni Skiftesvik. Maailmist ohtâ peeggâlmumos nooveelčuágálduvâin lii Giovanni Boccaccio Decamerone. teháliih nooveelčälleeh lijjii el. ranskalâš Guy de Maupassant já ryeššilâš Anton Tšehov.

Anarâškielâliih novelleh

Anarâškiel novelleh láá čallum mottoom verd. Novelleh láá šoddâm tondiet, ko čaabâkirjáliih teevstah iä lah ennuv, já taid lii jotelub čäälliđ ko romanijd. Anarâškielân láá almostum kyehti nooveelčuágálduv: Kyelisieidi maccâm já eres novelleh (Anarâškielâ servi, 2005) já Kielâ, mii ij kuássin jáámmám (Anarâškielâ servi, 2023). Anarâš novelleh láá almostum Anarâš-loostâst, Tejâblogist já Čyeti čälled -blogist. Anarâškielâ Tuhháát sijđod nuorâikirjálâšvuotâ -proojeekt ääigi meiddei nuorah láá jurgâlâm novellijd anarâškielân. Iänááš novelleh láá jurgâlum suomâkielâst, motomeh meid eŋgâlâskielâst.

Fáádást eres soojijn

Wikimedia Commonsist láá koveh teikkâ eres tiätuvuárháh fáádást Nooveel.

Käldeeh

↑ ^1,0 ^1,1 Mikkola, Anne-Maria jna: Äidinkieli ja kirjallisuus: Käsikirja, s. 252. WSOY, 2008. ISBN 978-951-0-26300-6.

[Käsikirja-1] 1,0 ^1,1 Mikkola, Anne-Maria jna: Äidinkieli ja kirjallisuus: Käsikirja, s. 252. WSOY, 2008. ISBN 978-951-0-26300-6.

[1]