Njuhčâ

Njuhčâ (Cygnus cygnus) lii stuorrâ, vielgis viettuulodde. Tot lii kesilodde. Tot pessee Euroop tavekuávluin já värree čohčuv máádás sudes čääsi kuuvl. Suomâst njuuvčah värrejeh Tanska čolmijd, Nuorttâmeerâ maadâoosijd já Tavemeerân.

Njuhčâ

Lii arvâlum, et maailmvijđosávt njuhčânääli lii suulân 180 000 ohtâgâssâd. Suomâst njuhčâ lii rávhuidittum.

Njuhčâ porá válduääšist šaddoravâdâs. Njuuvčah parâluveh ubâ eellimáigásis. Paarâ huksee piervâl láásán teikkâ koškásân. Niŋálâs mannee 4–7 laavcâivnásii mane. Kuohtuuh vaanhimeh piemmâv uđâgáid. Uđâgááh viettih vaanhimijguin vuosmuu täälvi. Njuhčâ šadda suhâjuátkimahan suullân 4–5-ihásâžžân.

Stuorrâ, vielgis lodde lii ain kiäsuttâm ulmuid. Njuhčâ kávnoo maŋgii aalmugärbivyevist já taaiđâtuojijn. Njuhčâ lii Suomâ aalmuglâšlodde.