Myevvireh

Myevvireh (Simuliidae) lii čuoškâhiäimu, mii tiättoo ubâ Suomâst.

Myevvireh Simuliidae (Newman, 1834)
Tieđâlâš luokittâllâm
Kodde	Elleekodde Animalia
Uáiviráiđu	Lođâsjuálgásiih Arthropoda
Luokka	Tivreh Insecta
Vyeliluokka	Kirdee tivreh Pterygota
Lahko	Kyevtsuájásiih Diptera
Vyelilahko	Čuoškah Nematocera

Niŋálâsmyevvir

Olgohäämi

Myevvir lii 2–5 mm kukkosâš tivre, mii sulâstit olgohäämis peeleest kiärppáá. Ton ivne lii uáli tevkkâd teikâ čappâd.

Eellimpiirâs

Myevvir mákkoo kolgee čääsi aldasijn já aatâšt Maadâ-Suomâ ulmuid já elleid peiviv, mut Säämi ässeid iho-uv. Siisâ myevvireh iä viigâ ollágin já jis toh toho mahtnii šaddeh, te tobbeen toh iä hiäđušt ulmuid ollágin. Toh tuše viggeh olgos ađai láá laasâst. Siämmáá náálá lättee puárui-uv siste.

Suovsah

Suovsah iälusteh kolgee čääsist, mast toh láá poođâkeččin kiddâ keeđgijn já šaddoin.

Myevviräigi

Myevvir iälust ubâ Suomâst – aainâs lieggâ keesij. Myevviräigi pištá kesimáánu rääjist čohčâmáánu räi. Loppâkeesi lii Säämist paalgâdäigi, kuás porruuh, čuoškah, myevvireh já polttijááh kivsedeh poccuid já ulmuid uáli čuuvtij.

Käskimsaje

Niŋálâsmyevvir voojâst pastelis panijdiskuin häävi liiškán, moos tot luáštá voorâ kálálgem estee amnâs. Taat aamnâs lii njomâtteijeid mirhâlâš já toovvât käskimsajan ruápsájeijee, kujesteijee já saŋedeijee čikâlâs, mii sáttá pišteđ maaŋgâid ohhoid. Käskimsaje ij kolgâččii ruokkâđ, ko tot irdâšuvá älkkeht. Motomin käskimijn sáttá šoddâđ nuuvt kočodum myevvirkumeštâs, mii tiättoo uáivipovčâsin, kumeštâssân já illávajemin.

Vyelihiäimuh já suuvah

Simuliidae-hiäimun kuleh čuávuvááh vyelihiäimuh já suuvah:

Vyelihiäimuh

• Parasimuliinae
• Simuliinae

Suuvah

• Araucnephia
• Araucnephioides
• Archicnephia
• Austrosimulium
• Baisomyia
• Cnephia
• Cnesia
• Cnesiamima
• Crozetia
• Ectemnia
• Gigantodax
• Greniera
• Gydarina
• Gymnopais
• Kovalevimyia
• Levitinia
• Lutzsimulium
• Mayacnephia
• Metacnephia
• Paracnephia
• Parasimulium
• Paraustrosimulium
• Pedrowygomyia
• Prosimulium
• Simuliites
• Simulimima
• Simulium
• Stegopterna
• Sulcicnephia
• Tlalocomyia
• Twinnia

Keejâ meid

• Listo Prosimulium-suuhân kullee šlaajâin

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Myevvireh.