Polttijááh

Polttijááh teikâ njäävlih teikâ suovâlodeh teikâ suovâtivreh (Ceratopogonidae) lii čuoškâhiäimu, mii tiättoo ubâ Suomâst. Polttijááh láá uáli táváliih čohčâkeesi já algâčoovčâ Tave- já Koskâ-Suomâst.

Polttijááh Ceratopogonidae (Newman, 1834)
Tieđâlâš luokittâllâm
Kodde	Elleekodde Animalia
Uáiviráiđu	Lođâsjuálgásiih Arthropoda
Luokka	Tivreh Insecta
Vyeliluokka	Kirdee tivreh Pterygota
Lahko	Kyevtsuájásiih Diptera
Vyelilahko	Čuoškah Nematocera

Olgohäämi

Polttijâš lii uccâ (1–2 mm) já šiervis tivre, mast láá távjá kirjáás suájáh.

Suovsah

Suovsah iälusteh laddui, raavij já jaavrij ponnemoođeest sehe jyehilágánijn kuocâgeijee amnâsijn tegu šiiveet suándist, mieskee muorâamnâsist já kuocâgeijee kuobbârijn.

Käskimsaje

Polttijái käskimluodah láá saŋedeijee já ruápsájeijee čikâlâsah. Ko polttijâš lii ucce, te tot šiättá puáttiđ čuoškâviermij čoođâ tupán-uv, já tot piäsá meiddei pihtâsij vuálá. Puáhtá helppiđ polttijái käskimsoojij saŋedem tipšogeelijn, mon finnee käävpist. OFF!:ist já Autanist láá pyevtittâsah monnjâtiipšon. Vaigâdub tábáhtusâin kolgâččij kevttiđ kortison- tâi antihistamintuálusijd vuoidâsijd.

Eellimvyevih

Veikkâ polttijâš ij stuáruduvâs peeleest lahkin áhtánâs huáđđoo, lii tot kuittâg viehâlágán kikse, ko toos iä táátu späittiđ ubâ čuoškâvuoidâsehkin. Tot aatâšt ulmuu tuše olgon tâi taggaar saajeest, mast tot nabda lemin olgon. Ovdâmerkkân láávust tâi telttaast. Tuuveest tot ij aatâšt ulmuu ollágin.

Vyelihiäimuh

Ceratopogonidae-hiäimun kuleh nelji vyelihiäimu:

• Ceratopogoninae
• Dasyheleinae
• Forcipomyiinae
• Leptoconopinae

Tuše uási polttijâššlaajâin njameh voorâ ulmuin já ellein.

Fáádást eres soojijn

• Wikimedia Commonsist láá koveh teikkâ eres tiätuvuárháh fáádást Polttijááh.