Muáskâš
Muáskâš (Menyanthes trifoliata) lii maaŋgâihásâš šaddo, mii šadda lahtâ soojijn já lii poccui stuorrâ hersku. Tot lii suuvâs áinoo šaddo, mii tiättoo Suomâst. Muáskâš kukkee kesi-syeinimáánust.
| Muáskâš Menyanthes trifoliata |
|
|---|---|
 |
|
| Tile | LC (eellimvuáimálâš)[1] |
| Tile Suomâst | LC (eellimvuáimálâš)[2] |
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Šadoh Plantae |
| Tävgi | Pocceešadoh Tracheophyta |
| Vyelitävgi | Kukkee šadoh Angiospermae |
| Luokka | Kyevtalgâlostâsiih Magnoliopsida |
| Lahko | Asterales |
| Hiäimu | Muáskáššadoh Menyanthaceae |
| Suuhâ | Muáskáččeh Menyanthes |
| Šlaajâ | trifoliata |
Muáskâš suomâkielân já eres sämikieláid
mute- suomâkielân: raate
- orjâlâškielân: muošká, njuohcu, muoškkáš, muoškkáš
- nuorttâlâškielân: muáckâč
Lavdâm
muteMuáskâš tiättoo Koskâ- já Tave-Euroopist sehe siämmái kobdodâhpirrâduvâi kuávluin Aasiast já Tave-Amerikist. Suomâst tot tiättoo ubâ enâmist.
Eellimpiirâs
muteMuáskâš šadda aijui, čäcijeegijn já jeggirobdâsij jaavrij riddoin.[3]
Kiävttu sämmilij kulttuurist
muteTovle muáskâš lâi tehálâš talhâsšaddo, moin tipšuu kuorsâttuv, čirgottâs, vuoivâs- já säppivaaivijd sehe kuávŋejii uáhhoid.[3]
Sämmiliih adelii ruottâsijd käärji purrâmâšân. Ulmuuh läävejii kuškâdiđ muáskâš ruottâsijd já milluđ tain jáávuid. Millum muáskâš siävuttui jávuiguin já kevttui leeibi liäibumân. Muáskâš smakkâ lii viehâv já jáávuid kannat čaacciđ ovdil kevttim.[3]
Tovle koškes muáskâš loostah vuáššojii teikkâ kiävttojii haavdân já säppin. Koškes loostâin ráhtojii meiddei jáávuh. Puoh pyeremus äigi loostâi nurâmân lii tooláá kiđđuv teikkâ maŋŋeed čohčuv. Muáskâš lii čuávji já purrâmušsuddâdem vaivij taalhâs. Tot pyereed amnâsmolsom já puurrâmlusto. Muáskâš ij soovâ jis lii äpittemmin.[3]
Muáskâšliemáin puáhtá tipšođ haavijd teikkâ kovŋiđ tiihijd. Kievrâs muáskâšteejâ oovtâst ruottâsist rahtum jávuiguin adelij iše, jis mááđuh kivsedii. Taah talkkâseh váldojii kyehti oho.[3]
Kovegalleria
mute
Käldeeh
mute |
Wikimedia Commonsist láá koveh teikkâ eres tiätuvuárháh fáádást Muáskâš. |
- ↑ IUCN Red List Čujottum 22.11.2022 (eŋgâlâskielân)
- ↑ Mikko Piirainen: Muáskâš – Menyanthes trifoliata Suomen Lajitietokeskus. 2019. Čujottum 22.11.2022. (suomâkielân)
- ↑ 3,0 3,1 3,2 3,3 3,4 Ukkonen, Kirsi: ANARŠKIEL ŠADDONOOMAH - Noomâi etymologia já šadoi kiävttu purrâmâššân já tiervâsvuođâ naanoodmist (PDF) (Pro gradu -tuuđhâlm) 2017. Oulu ollâopâttâh. Čujottum 5.2.2022.