Monika Fagerholm
| Monika Fagerholm | |
|---|---|
| |
| Šoddâm | kuovâmáánu 26. peeivi 1961 Helsig, Suomâ |
| Pargo | |
| Áámmát | kirječällee |
| Noomah | Monika Kristina Fagerholm |
| Kielâ | ruotâkielâ |
| Peerâ | |
| Vanhimeh | Nils-Erik Fagerholm já Eva Kristina Fagerholm |
| Pelikyeimi | Hilding Nylund |
Monika Kristina Fagerholm (š. kuovâmáánu 26. peeivi 1961 Helsig, Suomâ[1]) lii suomâruátálâš kirječällee.[2] Sun čáálá jieijâs eenikielân ađai ruotâkielân. Fagerholm kirjeh iä lah val jurgâlum anarâškielân.
Eellim mute
Monika Kristina Fagerholm šoodâi kuovâmáánu 26. peeivi 1961 Helsigist, Suomâst. Suu eeči lâi diplom-insner Nils-Erik Fagerholm (1928–1995), kii lâi tassaažist professor Helsig teknisâš ollâškoovlâst. Suu enni lâi Rikhardinkatu kirjerááju párnáiuásáduv hovdâ já kirjerájuamanuens Eva Kristina Fagerholm (j.s. Herrgård; 1933–2002).[3] Stuorrâuábbi Pia lâi suulân 2-ihásâš, ko Monika šoodâi.[4] Ton lasseen páárnášpääihist aasâi párnáitipšoo.
Monika šoddâm maŋa peerâ varrij Helsig Puotilan, kost sij assii čujottâsâst Rusthollarinkatu 9.[4] Tobbeen sun rávásmij já juuđij ruotâkielâg škoovlâ.[4] Pajeuáppen sun čaalij ive 1980.
Tast maŋa Fagerholm luvâškuođij psykologia Helsig ollâopâttuvvâst, mut sun ij kuássin valmâštum psykologin.[3] Maŋeláá sun maacâi Helsig ollâopâttâhân, mut talle válduamnâsin lâi kirjálâšvuođâtieđâ. Jo uápui ääigi sun poorgâi Kulosaari kirjeráájust ehidij já meid toimâttij oovtâst ustevijdiskuin tegu Henrika Ringbomáin já Kjell Westöin kirjálâšvuođâloostâid Blå já Klo.[3][5] Fagerholm valmâštui humanistlâš tiettui kandidaatin ive 1987.[6]
Karrieer mute
Ovdil valmâštume Fagerholm vuolgij ihepiälán Ruotân čäällimškoovlân. Tobbeen sun čäliškuođij jieijâs vuossâmuu nooveelčuágálduv Sham já finnij toos kuástidemsopâmâš.[3][5] Sham almostui ruotâkielân ive 1987.[7] Kulmâ ive tast maŋa almostui uđđâ ruotâkielâg nooveelčuágáldâh Patricia.[1][2]
1990-lovvoost mute
Ko ive 1994 almostui Fagerholm vuossâmuš roomaan Underbara kvinnor vid vatten, te sust šoodâi pegâlmâs kirje áánsust. Čuávuváá ive Fagerholm finnij taan kirjeest sehe Runeberg-palhâšume já Takkâ kirjeest -tubdâstâspalhâšume.[8] Kirje lâi meid iävtukkâssân el. ive 1994 Finlandia-palhâšume uážžon,[9] ive 1995 August-palhâšume uážžon, ive 1996 Aristeion-palhâšume uážžon já ive 1998 International IMPAC Dublin Literary Award uážžon.
FILI mield Underbara kvinnor vid vatten lii jurgâlum käävci kielân.[10] Kirjeest šoodâi elleekove-uv, ko suomâruátálâš elleekovestivrejeijee Claes Olsson stivrij siämmáánommâsii elleekove ive 1998.[9]
Ive 1998 almostui Fagerholm nubbe roomaan Diva, mast sun vuoitij sehe Ruotâ kirjálâšvuođâservi Suomâst -palhâšume já Uusimaa taaiđâtoimâkode taaiđâpalhâšume.[11][12] Maŋeláá ive 2003 sun finnij kirjijnis Underbara kvinnor vid vatten já Diva meid Längmanska kulttuursiäđus -palhâšume.[13]
Ive 1998 Fagerholm finnij meid Pro Artibusist já Tammisaariseervist kuulmâ ive pargostiipeend, mon tiet sun peesâi siämmáá ive juovlâmáánust Tammisaarin aassâđ taaidâr-residensist Villa Snäcksund.[14] Tobbeen Fagerholm uápásmij villa tálualmajân Hilding Nylund.[3] Sunnust šoodáin usteveh, te suoi rähistuin. Suoi naajáin, já Fagerholm paasij kieldân aassâđ.
2000-lovvoost mute
Čuávuváá roomaan čälimân monnii kuttâ ive.[15] Kyevtiuásásii rááiđu vuossâmuš kirje Den amerikanska flickan almostui ive 2005. Fagerholm finnij kirjestis ruátálâš August-palhâšume, Ruotâ kirjálâšvuođâservi Suomâst -palhâšume, Aniara-palhâšume já Göteborgs-Posten -kirjálâšvuotâpalhâšume.[16][17] Ton lasseen roomaan lâi iävtukkâssân Tave-enâmij rääđi kirjálâšvuotâpalhâšume uážžon.[18]
Ruotâst vuábdojii 150 000 kirjed. Ive 2006 roomaan elleekove filmimvuoigâdvuođah vuábdojii.[9] Romanist láá rahtum teatterversioh-uv: Tuurku ruátálâš teatterân ive 2007 já Teatter Takomon ive 2012.[1]
Fagerholm niäljád roomaan Glitterscenen almostui ive 2009. Roomaan lii jiečânâs jotkâuási kiirján Den amerikanska flickan.[19] Tot lâi iävtukkâssân ive 2010 Runeberg-palhâšume uážžon[20], mut tom vuoitij Kari Hotakainen kirjestis Ihmisen osa.[21] Čohčuv 2009 Fagerholmân mieđettui staatâ viiđâihásâš taaidârišeruttâ.[22]
2010-lovvoost mute
Fagerholm čuávuvâš kirje lâi ive 2012 almostum roomaan Lola uppochner. Taan kirjeest Fagerholm finnij tuše oovtâ palhâšume, ive 2013 Granberg-Sumeliuska -palhâšume.[23] Kirjeest kuittâg rahtui ive 2016 siämmáánommâsâš TV-miniráiđu.[24]
Ive 2019 almostum romanist Vem dödade bambi? kietâdâllojeh juávkkuilláástem čuávumušah uhreest já illáásteijein.[25] Ton lasseen kirjeest kietâdâlloo, maht uccâ sijdâ reagist sijjân já rikosân.[26] Taan kirjeest sun finnij ive 2020 sehe Tollander-palhâšume[27] já Tave-enâmij rääđi kirjálâšvuotâpalhâšume.[28] Roomaan lâi meid iävtukkâssân ive 2019 Finlandia-palhâšume uážžon.[29]
Palhâšumeh já tubdâstâsah mute
- 1995 – Runeberg-palhâšume
- 1995 – Takkâ kirjeest -tubdâstâspalhâšume
- 1995 – Ruotâ kirjálâšvuođâservi Suomâst -palhâšume[2]
- 1999 – Ruotâ kirjálâšvuođâservi Suomâst -palhâšume[2]
- 1999 – Uusimaa taaiđâtoimâkode taaiđâpalhâšume[12]
- 2003 – Längmanska kulttuursiäđus -palhâšume
- 2005 – Ruotâ kirjálâšvuođâservi Suomâst -palhâšume[2]
- 2005 – August-palhâšume[30]
- 2005 – Aniara-palhâšume[17]
- 2005 – Göteborgs-Posten -kirjálâšvuotâpalhâšume
- 2010 – Pro Finlandia -miitaal[31][32]
- 2013 – Granberg-Sumeliuska -palhâšume[23]
- 2013 – Kirjálâšvuođâ staatâpalhâšume[33]
- 2016 – Ruotâ akatemia tave-eennâmlâš palhâšume[34]
- 2020 – Tollander-palhâšume[27][35]
- 2020 – Selma Lagerlöf -siättus palhâšume[36][37]
- 2020 – Tave-enâmij rääđi kirjálâšvuotâpalhâšume[28]
- 2022 – Övralid-palhâšume
Pargo mute
- 1987 – Sham[3]
- 1990 – Patricia
- 1994 – Underbara kvinnor vid vatten
- 1998 – Diva
- 2005 – Den amerikanska flickan
- 2009 – Glitterscenen
- 2012 – Havet
- 2012 – Lolauppochner
- 2019 – Vem dödade bambi?
Fáádást eres soojijn mute
Wikimedia Commonsist láá koveh teikkâ eres tiätuvuárháh fáádást Monika Fagerholm.
Käldeeh mute
- ↑ 1,0 1,1 1,2 Mäkelä, Olli: Esittely: Monika Fagerholm Näytelmät.fi. Čujottum 6.12.2014. (suomâkielân)
- ↑ 2,0 2,1 2,2 2,3 2,4 Kuka kukin on 2011, s. 123. Helsinki: Otava. ISBN 978-951-1-24712-8.
- ↑ 3,0 3,1 3,2 3,3 3,4 3,5 Kirjailija Monika Fagerholm: ”Kolmas rakkaus yllätti” Kotiliesi. 10/2016. Čujottum 13.4.2022. (suomâkielân)
- ↑ 4,0 4,1 4,2 Kolsi, Eeva-Kaarina: Kirjailijaan iski ikäkriisi nelivuotiaana Ilta-Sanomat. 17.10.2009. Čujottum 13.4.2022. (suomâkielân)
- ↑ 5,0 5,1 Kelola, Kati: Monika Fagerholmin kaleidoskooppinen maailma Apu. 15.2.2020. Čujottum 14.4.2022. (suomâkielân)
- ↑ Fagerholm, Monika Kirjasampo.fi. Čujottum 6.12.2014. (suomâkielân)
- ↑ Selma Lagerlöfin kirjallisuuspalkinto Monika Fagerholmille SR Finska. 15.5.2020. Čujottum 14.4.2022. (suomâkielân)
- ↑ Erho, Nina: Kukin pakenee tavallaan Helsingin Sanomat. 18.7.2005. Čujottum 10.2.2021. (suomâkielân)
- ↑ 9,0 9,1 9,2 Monika Fagerholm Teos. Čujottum 6.12.2014. (suomâkielân)
- ↑ Suomen kirjallisuuden käännökset Suomâ Kirjálâšvuođâ Servi. Čujottum 13.3.2022. (suomâkielân)
- ↑ Diva Salomonsson Agency. Čujottum 14.4.2022. (eŋgâlâskielân)
- ↑ 12,0 12,1 Uudenmaan taidetoimikunta palkitsi Wardin ja Fagerholmin Helsingin Sanomat. 28.12.1999. Čujottum 15.4.2022. (suomâkielân)
- ↑ Alla finlandssvenska författarpristagare sedan 1952 Längmanska kulttuursiäđus. Čujottum 15.4.2022. (ruotâkielân)
- ↑ Monika Fagerholm: Lola uppochner svenska.yle.fi. Čujottum 15.4.2022. (ruotâkielân)
- ↑ Sisuradion kulttuuritarjontaa: Viikon kirjat 2005 18.1.2006. Sveriges Radio. Čujottum 6.12.2014. (suomâkielân)
- ↑ Ruotsin August-kirjallisuuspalkinto ruotsinsuomalaiselle Yle Uutiset. 5.12.2006. Čujottum 15.4.2022. (suomâkielân)
- ↑ 17,0 17,1 Nilsson, Rabbe: Monika Fagerholm får Aniarapriset Svenska Yle. 24.8.2005. Čujottum 16.4.2022. (ruotâkielân)
- ↑ Nomineringer 2005 norden.org. Čujottum 15.4.2022. (tárukielân)
- ↑ Arviot ehdokaskirjoista Yle Uutiset. 10.12.2009. Čujottum 15.4.2022. (suomâkielân)
- ↑ Seitsemän kirjailijaa tavoittelee Runeberg-palkintoa Yle Uutiset. 10.12.2009. Čujottum 15.4.2022. (suomâkielân)
- ↑ Hotakaiselle Runeberg-palkinto Sveriges Radio. 5.2.2010. Čujottum 15.4.2022. (suomâkielân)
- ↑ Kirjallisuuden taiteilija-apurahat 2010 23.11.2011. Taiteen edistämiskesus. Čujottum 6.12.2014. (suomâkielân)
- ↑ 23,0 23,1 Tre västnylänningar får pris för böcker svenska.yle.fi. Čujottum 15.4.2022. (ruotâkielân)
- ↑ Lola uppochner Yle Arenan. Čujottum 15.4.2022. (ruotâkielân)
- ↑ Gustafsson, Miia: Monika Fagerholm sai suuren kirjallisuuspalkinnon – summa ohittaa Finlandia-palkinnon Yle Uutiset. 5.2.2020. Čujottum 15.4.2022. (suomâkielân)
- ↑ Hällsten, Annika: Monika Fagerholm skriver om tystnaden efter en våldtäkt Hufvudstadsbladet. 8.9.2019. Čujottum 15.4.2022. (ruotâkielân)
- ↑ 27,0 27,1 Lindholm, Johanna: Monika Fagerholm får Tollanderska priset: "Vi måste hitta ett språk för att prata om svåra saker" Hufvudstadsbladet. 5.2.2020. Čujottum 15.4.2022. (ruotâkielân)
- ↑ 28,0 28,1 Vedenpää, Ville: Pohjoismaiden neuvoston kirjallisuuspalkinto Monika Fagerholmille – ”En uskonut, että saisin sitä koskaan.” Yle Uutiset. 27.10.2020. Yleisradio. Čujottum 27.10.2020. (suomâkielân)
- ↑ Kerttula, Suvi: Monika Fagerholmin uutuusteos on kaunokirjallisuuden Finlandia-ehdokas – inspiraatio tarinaan löytyi yllättävästä lähteestä: ”Ajattelin Harvey Weinsteinia” Ilta-Sanomat. 7.11.2019. Čujottum 15.4.2022. (suomâkielân)
- ↑ Monika Fagerholmille Ruotsin August-kirjallisuuspalkinto Yle Uutiset. 5.12.2005. Čujottum 15.4.2022. (suomâkielân)
- ↑ Pro Finlandia -mitali kahdelletoista taiteilijalle Turun Sanomat. 30.11.2010. Čujottum 10.8.2011. (suomâkielân)
- ↑ Eeva Tikalle ja Sakari Oramolle Pro Finlandia -mitalit Yle Uutiset. 30.11.2010. Čujottum 15.4.2022. (suomâkielân)
- ↑ Sundqvist, Janne: Kirjallisuuden ja kuvitustaiteen valtionpalkinnot kolmelle naiselle Yle Uutiset. 22.11.2013. Čujottum 6.12.2014. (suomâkielân)
- ↑ Kirjailija Monika Fagerholmille Ruotsin akatemian palkinto Turun Sanomat. 18.3.2016. Čujottum 19.3.2016. (suomâkielân)
- ↑ Prisregn över Förlagets författare på Runebergsdagen Förlaget. 4.2.2020. Čujottum 15.4.2022. (ruotâkielân)
- ↑ Selma Lagerlöfin kirjallisuuspalkinto Monika Fagerholmille SR Finska. 15.5.2020. Čujottum 14.4.2022. (suomâkielân)
- ↑ Lagerlöf-pris till Monika Fagerholm Aftonbladet. Čujottum 14.4.2022. (ruotâkielân)