Laskijááh láá ristâosko juhle. Juhleh älgih laskijâšpasepeeivi, já nubbe tehálâš juhlepeivi lii laskijâšmajebargâ. Tast maŋa lii kunnâkoskokko já talle álgá vástu, mii pištá 40 peivid. Laskijáid viettih kiđđuv, mutâ peivimeeri muttoo pessijái mield. Laskijâšmajebargâ lii 40 peivid ovdil pessijái.[1]

Laskijâšpullá

Ij lah vises, maid suomâkielâ sääni laskiainen meerhâš. Ohtâ máhđulâšvuotâ lii, ete tot meerhâš "lyeštiđ". Ađai saavâst lii jo-uv vástupeeivij lyeštim älgimpeivi teikâ váástu älgimpeivi.[2]Ruotâkielâ sääni lii fettisdag, mii meerhâš "vuojâmajebaargâ".

Jieškote-uv enâmist láá jieijâs ärbivyevih. Maaŋgâin enâmijn läävejeh puurrâđ ennuv já toollâđ ilolâš juuhlijd. Suomâst vuod läävejeh čierâstâllâđ sehe puurrâđ herttâmäälipulláid.[1]

Tovle laskijááh lijjii tehálâš peivi nisonáid. Ulmuuh tuoivuu šiev piellivâsšado, já nisonij älši já čeppivuotâ mitteduvvojii.[2] Nisoneh ferttejii finniđ panneempargoid valmâšin laskijái räi, vâi sij talle puohtii algâttiđ kođđeempargoid, moid táválávt tarbâšuvvoo eenâb čuovâ.[3]

Laskijâšmajebargâ mute

Laskijâšmajebargâ lii ain 3.2.9.3. kooskâst. Tot puáhtá leđe meid kárgámpeeivi ađai kuovâmáánu 29. peeivi. Čuávuvâžžân lii listo laskijâšmajebaargâin ive 2100 räi:

Käldeeh mute

  1. 1,0 1,1 Laskiainen valmistaa paastoon, joka alkaa tuhkakeskiviikkona evl.fi. Čujottum 3.3.2022. (suomâkielân)
  2. 2,0 2,1 Laskiais- ja pääsiäisajan sanastoa Päikkieennâm kielâi kuávdáš. Čujottum 3.3.2022. (suomâkielân)
  3. Joutuin kelkat, sukset temmaiskaa! Jyväskylä ollâopâttuv museo. Čujottum 3.3.2022. (suomâkielân)