Kuávsuilodde
Kuávsuilodde (Erithacus rubecula) lii livkkárij hiäimun kullee varbuslodde.
| Kuávsuilodde Erithacus rubecula (Linnaeus, 1758) |
|
|---|---|
 |
|
| Tile | LC (eellimvuáimálâš)[1] |
| Tile Suomâst | LC (eellimvuáimálâš)[2][3] |
 |
|
Tieđâlâš luokittâllâm |
|
| Doomeen | Sellâvááimusliih Eucarya |
| Kodde | Elleekodde Animalia |
| Uáiviráiđu | Savosuonâsiih Chordata |
| Vyeliráiđu | Čielgitávtáliih Vertebrata |
| Luokka | Lodeh Aves |
| Lahko | Varbuslodeh Passeriformes |
| Hiäimu | Livkkáreh Muscicapidae |
| Suuhâ | Erithacus |
| Šlaajâ | rubecula |
Stuárudâh já tobdomeerhah
muteKuávsuilodde lii pyeidicissáá matsâš, 12,5–14 cm kukkosâš lodde, mii tiäddá 13–21 g. Ton selgipeeli lii ruškâd já čuávji kuovgâd. Näämi já radde láá oransisruopsâdeh, čalmeh já njune tevkisruškâdeh.[4]
Lavdâm já eellimpiirâs
muteKuávsuilodde lii almos Euroop já Aasia vuovdijn. Tot iälá puohlágán vuovdijn, eromâšávt kuosâ-, lostâ- já siähálâsvuovdijn. Suomâ pessimnääli lii áárvu mield 2–3 miljovn paarrâd. Tuodârkuávluin kuávsuilodde lii härvinub.[5] Kuávsuilodde värree tálvástâllâđ Koskâmeerâ kuávlun čohčâ-roovvâdmáánust já máccá Suomân cuáŋui-vyesimáánust. Motomeh lodeh tálvástâleh meid Maadâ-Suomâst.[4]
Lasanem
muteKuávsuilodde mannee cuáŋui-vyesimáánust 2–8 manneed. Niŋálâs láálá moonijd 12–15 peivid. Uđâgááh vyelgih piervâlist 11–17 peeivi ahasâžžân.[4]
Raavâd
muteKuávsuilodde porá siemânijd, muorjijd já čielgitävtittes elleid.[4]
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Kuávsuilodde.
Käldeeh
mute- ↑ IUCN Red List Čujottum 11.10.2021 (eŋgâlâskielân)
- ↑ Valkama, Jari: Kuávsuilodde – Erithacus rubecula Suomen Lajitietokeskus. 2019. Čujottum 30.3.2022. (suomâkielân)
- ↑ BirdLife Suomi Čujottum 11.10.2021 (eŋgâlâskielân)
- ↑ 4,0 4,1 4,2 4,3 Luontoportti.fi Čujottum 11.10.2021 (suomâkielân)
- ↑ Suomen lintuatlas Čujottum 11.10.2021 (suomâkielân)