Jyelgiäitti
Jyelgiäitti (nuorttâlâškielân jueʹlǧǧäiʹtt já suomâkielân jalka-aitta) lii äitti, mii lii huksejum neelji čuoldâ oolâ. Jis jyelgiäitti lii styeres, te ton vyelni pyehtih leđe neelji čuoldâ saajeest kuttâ čuoldâ.
Jyelgiäitti ovdánij káttusist nuuvt, et hirssâkeerdih lasanii já toh lijjii huolâlubbooht salvum. Meid káttu rahtui pyerebin. Kirjálâš tiäđu mield jyelgiäitti lâi Anarist já Ucjuuvâst kiävtust 1800-lovo aalgâst já tobbeen siäiluttuvvojii ereslasseen purâmušverkki, sehe jyehilágáneh tiiŋgah já káálvuh. Lii kale jurdemist, et ääitih láá lamaš aanoost juo čuođijd iivijd tassaaš Anarist-uv.[1]
Keejâ meid mute
Fáádást eres soojijn mute
- Talousrakennus (suomâkielân)
Käldeeh mute
- ↑ Mattus, Ilmari: Njollâäitti já jyelgiäitti. Anarâš-kalender 2000, 2000. Anarâškielâ servi ry.