Kááđus (orjâlâškielân goavdi) lii lamaš jyelgiääiti oovdâstjottee. Káttus vuáđumuorah, moh kočoduvvojeh kietkâmin. stellejuvvojii neelji čuoldâ oolâ. Čuoldâi kukkodâh lâi suulân 0,5–1 m. Motomin tohhejii kietkâmvuálážin meid pajalâs keeđgijn čummiittum lejeh, tâi källeerobdâ-uv. Kietkâm oolâ piäijojii lätteemuorah, moh lijjii jo-uv luoddum tâi luoddiihánnáá, já toi oolâ sálvojii seinihiirsah käälbičiäpáttin nuuvt, et nurhekeeji muorah lijjii ereskukkosiih. Täsikiärdán monnii 5–9 hirssâd já káttu lâi rahtum nuuvt, et pajemui hirsâi oolâ piäijojii paldluvâi tađe várás rahtum loomijd 1–4 härjimuorâ, moi oolâ káttumuorah piäijojii. Káttumuorâi oolâ piäijojii vala härjimuorâi sundásávt teddâmeh, moh lijjii jo-uv kooldah tâi motomin ráptukeeđgih-uv.[1]

Kááđus Anarist ive 1914

Keejâ meid mute

Käldeeh mute

  1. Mattus, Ilmari: Njollâäitti já jyelgiäitti. Anarâš-kalender 2000, 2000. Anarâškielâ servi ry.