Jan Skoglund Paltto
Jan Freddy Skoglund Paltto (š. kuovâmáánu 20. peeivi 1961) lii tavesämmilâš áámmátgolfspellee, toimâtteijee, pedagog já finnodâholmooš (ABC-Company E-skuvla AS).
Eellim mute
Jan Freddy Skoglund Paltto šoodâi kuovâmáánu 20. peeivi 1961. Suu eeči lâi Hans Skoglund (orjâlâškielân Erkke Niillas Hánsá).[1] Sun rávásmij Váljuuvâst, Finnmarkist, Taažâst kuuđâ párnáá perrust. Paltto juuđij asâttâhškoovlâ.
Škoovlâ maŋa sun varrij Oslon luuhâđ sämikielâ, ekonomia, organisaatioteoria já oppâmateriaalteknologia Oslo ollâopâttuvvâst. Sun lii meid čođâldittám kuulmâihásii škovlimohjelm golfvälmejeijeid.
Karrieer mute
Paltto vuáđudij sämikielâg oppâmateriaalijd rähtee já kielâpalvâlusâid fällee finnoduv ABC-Company E-skuvla AS. Sun lâi meid ohtâ Kárášjuuvâ Golfseervi vuáđudeijein ive 2001. Tobbeen sun poorgâi golfvälmejeijen iivij 2004–2012.
Palhâšumeh mute
Paltto oovtâst pelikuoimijnis Kirsi Palttoin já obišáin Ingá-Márja já Máret Steinfjellsáin vuoitij Kollekielâ-palhâšume.[2] Palttokyevtis vuoittijn Kollekielâ-palhâšume "sunnuu kuhesáigásii pargoost tave-, maadâ- já juulevsämikielâ pyerrin."[2]
Käldeeh mute
- ↑ Johnskareng, Ámmun: Kirsi nahkihii ja vuittii. Min Áigi, 13.9.2006, 14. ihekerdi, nr 74, s. 10. Artikkâl nettiversio Čujottum 28.5.2022. (tavesämikielân)
- ↑ 2,0 2,1 Alajärvi, Martta: Sahâpittááh Yle Säämist: Tääl lii äigi iävtuttiđ Kollekielâ-palhâšume vyeittee, Taažâ pele Aanaarjuuvâ aalmugmeeccist lappum almai kavnum Yle Säämi. 11.7.2018. Čujottum 13.5.2022.