Ive 2023 Argentiina presidentvaaljah
Ive 2023 Argentiina presidentvaaljah lijjii presidentvaaljah, moh uárnejuvvojii Argentiinast uássin ive 2023 Argentiina almolijd vaaljâid roovvâd- já skammâmáánust 2023. Tááláš president Alberto Fernández almottij cuáŋuimáánust 2023, ete sun ij lamaš iävtukkâssân täin vaaljâin, veikkâ sun lâi vistig valjâtohálâš.[1]
Vaaljâi jienâstemrieggeeh
muteVuossâmuš jienâstemrieggee
muteVaaljâi vuossâmuš jienâstemrieggee uárnejui roovvâdmáánu 22. peeivi 2023. Sergio Massa finnij vuossâmuu rieggest 9 645 983 jiennâd ađai 36,68 % puoh adelum jienâin.[2] Sun vuoitij rieggee, mii lâi puohháid olâttâs. Javier Milei finnij 7 884 336 jiennâd ađai 29,98 % puoh adelum jienâin já poođij nubben.[2][3] Uáiviltutkâmušâi já ovdâvaaljâi puátusij vuáđuld Milei lâi kievrâmus vyeitteeiävtukkâs taan rieggest.[4] Kuálmádin poođij Patricia Bullrich (23,83 %), niäljádin Juan Schiaretti (6,78 %) já viđâdin Myriam Bregman (2,70 %).[2]
Nubbe jienâstemrieggee
muteKo iävtukkâsâin ohtâgin ij finnim paijeel 45 % adelum jienâin, ige paijeel 40 % adelum jienâin nuuvt ete nubben puáttám iävtukkâs finnij 10 prooseentohtâdâhhâd ucceeb ko vyeittee iävtukkâs, te vaaljâin uárnejui meid nubbe rieggee skammâmáánu 19. peeivi 2023. Taan rieggest iävtukkâssân láin Sergio Massa já Javier Milei.[3]
Milei finnij nube jienâstemrieggest 55,69 % jienâin, já te sun väljejui Argentiina presidentin.[5] Sun algâttij Argentiina president virgeest juovlâmáánu 10. peeivi 2023.[5][2]
Fáádást eres soojijn
mute
Wikimedia Commonsist láá koveh teikkâ eres tiätuvuárháh fáádást Ive 2023 Argentiina presidentvaaljah.
Käldeeh
mute- ↑ Alberto Fernández confirmó que no irá por la reelección CNN Radio Argentina. 21.4.2023. Čujottum 30.10.2023. (espanjakielân)
- ↑ 2,0 2,1 2,2 2,3 Así le hemos contado los resultados de las elecciones en Argentina El País. 24.10.2023. Čujottum 30.10.2023. (espanjakielân)
- ↑ 3,0 3,1 Rivas Molina, Federico: El peronista Sergio Massa supera a Javier Milei y contiene la ola ultra en la primera vuelta de las elecciones de Argentina El País. 23.10.2023. Čujottum 30.10.2023. (espanjakielân)
- ↑ Valdez, Gustavo J.: Javier Milei front runner, el muro de Massa y el doble desafío de Bullrich Urgente24. 19.8.2023. Čujottum 30.10.2023. (espanjakielân)
- ↑ 5,0 5,1 Rivas Molina, Federico: El ultraderechista Milei arrasa en las elecciones y Argentina da un salto a lo desconocido El País. 20.11.2023. Čujottum 22.11.2023. (espanjakielân)