Ij lah ko vyelgiđ
Ij lah ko vyelgiđ lii Ann-Helén Laestadius roomaan, mii almostui anarâškielân skammâmáánu 28. peeivi 2023. Neeta Jääskö lii jurgâlâm kirje anarâškielân. Algâalgâlâš kirje lii čallum ruotâkielân. Kirje lii luuhâmnáál meiddei tavesämikielân noomáin "Dušše bijadit". Taat roomaan lii čallum älkkees já čielgâ kielân. Celkkuuh láá uánihááh, já toi rááhtus lii oovtkiärdán.[1]
Juonâ
muteKirje muštâl teiniahasii kaandâst, kote haalijd meddâl sämmilijn ärbivuovijn já puásuialmaa elimist já kenigâsvuođâin. Mut siämmást sun imâštâl, kuás kiinii lii tuođâi rijjâ. Johannes lii ovcenubálovihásâš, já sun áásá perruinis Övre Sopperost Ruotâ peln. Sun lii kuáđđám paješkoovlâ, tastko suu vaanhimeh tarbâšává iše poccuiguin. Mut Johannes haalijd maidnii muide. Sun halijdičij uuccâđ pargo teikâ luuhâđ maidnii. Jyehi tááhust sun haalijd varriđ meddâl pääihist. Mut jis sun tom parga, te tot ličij stuorrâ pettâšume ubâ perrui. Talle sun uápásmuvá Minnan. Sun lii taggaar nieidâ, kote parga ain, maid sun haalijd, ige sun tipte kiämmán meridiđ jieijâs peeleest.[2]
Kirječällee suogârd äigikyevdilis teema já paijeed savâstâlmân rašes aašijd nuorâ ulmuu puásuituálu puátteevuođâst.[1]
Käldeeh
mute- ↑ a â Olthuis, Marja-Liisa: Ann-Helén Laestadius nuorâiroomaan Ij lah ko vyelgiđ lii almostum anarâškielân anarasaavis.fi. 28.11.2023. Čujottum 30.11.2023.
- ↑ Brecciaroli, Fabrizio: Ive 2024 kuástidemtoimâ. Anarâš-lostâ, 2023, 36. ihekerdi, s. 7. Anarâškielâ servi.