Ergikištoh

Ergikištoh teikkâ puásuikistoh láá tollum jo 1930-lovvoost Suomâ peln Laapi já Oulu kuávlust jeđe sämienâmist pirrâ Suomâ, Ruotâ já Taažâ. Ärbivuávâlávt kištopaje lii kiđđuv kuovâmáánu já cuáŋuimáánu kooskâst.

Ive 2013 nisonij njuárustemkišto Tromsa sämioho ääigi

Kunâgâskišto Storgata miätá ive 2011 Tromsa sämioho ääigi

Suomâ peln ergikištotoimâ tááláá häämist aalgij 1990-lovo aalgâst, já toos kuleh 5 cup -uásikiišto já kunâgâskištoh. Kunâgâskištoh láá uárnejum ive 1950 rääjist, já toh láá puásuikištopaje stuárráámus tábáhtume. Táválávt kištoin 24 pyeremus Puásui cup -ergid peesih kištottâllâđ kyevti peeivi ääigi kunâgâs tittelist. Kunâgâsjuávhu lasseen motomij iivij ääigi láá kištoost lamaš meid nuorâi juávhuh já nuuvt kočodum Silver race -juávkku.