Braunwald

Braunwald lii oovdiš kieldâ Sveeicist, Glarus kantonist. Braunwaldist ääsih 298 olmožid. Ton vijđodâh lii 10,13 km², já alodâh 1 256 m. Braunwald lii uccâ autottes siijdâš, kuus ij lah luoddâ já piäsá tuše várádâhjunáin.

Braunwald Oovdiš kieldâ
Staatâ	Sveicci
Kanton	Glarus kanton
Tááláš kieldâ	Glarus Süd
Lopâttum	31.12.2010
Vijđodâh	10,13 km²
Alodâh	1 256 m
Ässeeloho	298 (31.12.2020)
Ässeesaahâdvuotâ	29,42 ässed/km²

Historjá

Braunwald vuáđudui ive 1421, mut aalgâst tobbeen lijjii ässeeh tuše keessiv. Esken 1700-lovvoost ulmuuh asâškuottii Braunwaldist pirrâ ive. 1800-lovvoost tohon huksejii pegâlmâs puáráttuv, mast ellii ennuv riges ulmuuh. Rakânâs lii vala kiävtust, mut tääl tot lii vajoidittempyecceiviäsu. Várádâjunárađe poođij ive 1907, mon maŋa šoddii motomeh hotelleh. Onnáá peeivi Braunwaldist láá meiddei maaŋgah luámutááluh, main Zürichist já ton kuávlust ässee ulmuuh viettih rijjâääigis. Taan keežild Braunwald ässeeloho lii merhâšitteht aaleeb luámupoojij ääigi.

Braunwald kieldâ lopâttui ive 2010 loopâst, ko Betschwanden, Braunwald, Elm, Engi, Haslen, Linthal, Luchsingen, Matt, Mitlödi, Rüti, Schwanden, Schwändi já Sool kieldah lahtojii oohtân já šoodâi uđđâ Glarus Süd kieldâ. Uđđâ kieldâst ääsih 9 634 olmožid (31.12.2020), já ton vijđodâh lii 430,03 km².

Viehâdâh

Ässeeloho

Ihe	Ässeeloho
1941	327
1950	402
1960	491
2000	408

Eennâmtiätu

Šoŋŋâdâh

Braunwaldist muáttá koskâmiärálávt 9 m jyehi täälvi, mon áánsust Braunwald lii niäljádin muottiimus sijdâ ubâ Euroopist.

Fáádást eres soojijn

• Glarnerland (eŋgâlâskielân)
• Braunwald (saksakielân)

Kovegalleria

• 
  UHU-raavâdviäsu
• 
  Hüttenberg
• 
  Glarus Aalpah
• 
  Tödi
• 
  Ortstock
• 
  Várádâhjuná
• 
  Kirkko
• 
  Ortstockhaus
• 
  Rehaklinik