Wikipedia:Häppilissikkom

Siijđo teikkâ tiätuvuárhá merkkim tállân sikkomnáál:

• Čääli tom artikkâl teikkâ tiätusiijđo, mon tun halijdah tállân sikkomnáál, aalgân tubdâldâh já máhđulâš agâstâllâm koodijn {{Häppilissikkom|agâstâllâm}}

teikkâ

• Hammimuáinu vyelni leijee Häppilissikkom-puálloin:
  • Valjii vistig puálu paaldâst leijee valjiittuvâst mudágis sikkomsuujâ já teddil talle puálu.
  • Agâstâllâm tun puávtáh čäälliđ meid kieđâi puálu pyevtittem koodist leijee kyevti |-meerhâ kooskân čuávuvávt:

{{Häppilissikkom|Taas jieijâs agâstâllâm|G1}}
(om. {{Häppilissikkom|Taarbâšmettum.|G7}} ko siijđo algâtteijen tun halijdah siijđo sikkomnáál).

Ko tun merkkiih maidnii tállân sikkomnáál, te tun kannattah táválávt pieijâđ T1, H1 teikkâ H2-váruttâs kevttee savâstâllâmsiijđon.

Häppilissikkom uáivild vyevi, moin siijđo teikkâ tiätuvuárhá puáhtá sikkođ tállân Wikipediast. Siijđoi jotelis sikkom lii uási Wikipedia sikkomvuáháduv. Taan siijđon láá luvâttâllum suujah (kriteereh), moi vuáđuld siijđo teikkâ tiätuvuárhá puáhtá meddâlistiđ huápust savâstâllâmttáá.

Tušes siijđoi tátulâš rähtim rekinistuvvoo vandalismin.

Kriteereh

Taid sikkomsuujáid puáhtá čujottiđ uánádâsâigijn. Ovdâmerkkân "G12" čuujoot numerân 12 paječalluu almoliih (general) vyelni (tahheevuoigâdvuotârikkomuš) já "K1" čuujoot numerân 1 paječalluu kevtteesiijđoh vyelni (ij kevttee).

Almoliih (general)

Koodipuustav G.

Taah sikkomsuujah tohhejeh puoh nommâkomovuođâin (* meid tiätuvuárkkánommâkomovuođâin):

1. Ij jiärmálâš siskáldâs. Siijđoh, moi siskáldâsâst ij lah mihheen jiermijd. Taat lii táválumos sikkomsuijâ hemâdemtárguttâssân rahtum sijđoid.
2. Testâsijđo. Teestah láá lováliih tuše čunoiloovást já kevtteesiijđoi vyelisiijđoin.
3. * Vandalism. Taat siskeeld čielgâsávt feilâlâš tiäđu teikkâ tiäđu, mii lii čielgâsávt uáivildum leđe västidhánnáá tuotâvuođâ, sehe siijđoi vandalismsirdemist šoddâm stivriimijd. Ko ráhtá hivvâdâhsikkom, te taat lii luámáttuv iävtuttem sikkomsuijâ, jis tom ij mute.
4. * Sikkomjienâstem mield. Siijđoh, moh láá jienâstum sikkomjienâstmist sikkomnáál. Jis taggaar siijđo ráhtá uđđâsist, mii lii jo ovdil táppám sikkomjienâstem, te tom puáhtá sikkođ macâttemjienâstemttáá. Taat kuáská meid sijđoid, moh láá sikkum ij merhâšitten, jis tai merhâšitteevuotâ ij lah muttum, mutâ ij kuoskâ eres suujâin sikkum sijđoid.
5. * Estum kevttee rähtim siijđoh. Siijđoh, moh ráhtojeh karvemáin iästu já moid eres kevtteeh iä lah ráhtám merhâšittee nubástusâid.
6. * Teknisâš sikkomeh. Sikkomeh, maid rähtih ko sirdeh siijđoid já ovdâmerkkân ko ovtâstiteh sijđohistorjáid teikkâ käđvih nubástushistorjá sildee sikkomáin.
7. * Algâtteijee teikkâ kevttee sikkomnáál táttum sijđo. Taarbâšmettum siijđoh, maid algâtteijee lii kuorrim teikkâ lii táttum sikkomnáál já moid eres kevtteeh iä lah ráhtám ko smavvâ nubástusâid, ovdâmerkkân čuolmâmyensterij lasettem teikkâ kielâtipšom. Taat kuáská meid tábáhtussáid, main kevttee táttu jieijâs kevtteesiijđo teikkâ ton vyelisiijđo sikkom, jis koččâmâšâst ij lah savâstâllâmsijđo teikkâ savâstâllâmsiijđo arkkâdâhsijđo. Máhđulávtmerhâšittee fáádáid ij koolgâ sikkođ sikkomjienâstemttáá. Máhđulávt uárbisin pááccám savâstâllâmsiijđoid (peic siijđoid kevttest) puáhtá sikkođ tain suujáin teikkâ suujáin G8.
8. Siijđoh, moi iššeedsijđo ij lah lemin, tego uárbis savâstâllâmsiijđoh. Tiätuvuárhái savâstâllâmsiijđoid puáhtá sikkođ tuše, jis tiätuvuárkká ij lah innig lemin anarâškielâlii Wikipediast. Kevttee savâstâllâmsiijđoid ij pyevti sikkođ ige kuorriđ, mutâ puáris savâstâlmijd puáhtá vuorkkiđ, jis haalijd.
9. * Wikimedia Foundation. Wikimedia Foundation tuálá vuoigâdvuođâid sikkođ siijđoid jotelávt sierâ prooseesttáá eromâštilálâšvuođâin.
10. Siijđoh, moi tárguttâssân lii vahâgittiđ čuosâttuv. Siijđoh, moh láá uáivildum persovn, irâttâs, siärvus, vuáđu-uáinu teikkâ eres suujâi vahâgittem várás. Tain suujâin puáhtá sikkođ meid vuoigâdvuotâtoimáin uhkáástâlmijd já tuođâlijn neutraalvuotâčuolmâin kierdee siijđoid.
11. * Máinuseh. Siijđoh, moh láá rahtum máinum várás já moi hammim neutraal sijđon váđáččij hirmâd ennuv pargo.
12. * Tahheevuoigâdvuotârikkomušah. Siijđoh, moh láá kopijistum eres saajeest teikkâ moi siskáldâs luávkkáá tahheevuoigâdvuođâid.
13. * Jyemeehpittá. Siijđo, mon siskáldâs lii kopijistum nubbeest, jo lemin leijee siijđost. Taan suujâst puáhtá komettiđ meid kopijistmáin rahtum siijđoi sirdem.

Artikkâleh

Koodipuustav A.

Jis haalijd sikkođ artikkâlijd, moh iä teevdi vyelni leijee sikkomsuujâi iävtuid, te artikkâl merhâšitteevuođâ puáhtá hästiđ artikkâl savâstâllâmsiijđost. Artikkâlsiijđost puáhtá tárbu mield kevttiđ myenster {{Merhâšitteevuotâ}} já jis savâstâlmist ij šoodâ konsensus merhâšitteevuođâst, te artikkâlist puáhtá orniđ sikkomjienâstem. Čuávuvááh sikkomsuujah tohhejeh meid teemasijđoid.

1. Ij miäruštâllâm. Hirmâd uánihááh siijđoh, main ij lah miäruštâllâm, ađai toh iä västid tagarijd koččâmâššáid ko mii, kost teikkâ maht.
2. Puástu kielâ (= not Inari Saami). Eres kieláid ko anarâškielân čallum siijđoh sehe hyenes maašinjurgâlusah. Anarâškielâlâš Wikipedia artikkâleh čállojeh anarâškielân. Ereskielâlij artikkâlij saje lii ton kielâ jieijâs Wikipediast.
3. Ij siskáldâs. Siijđoh, main ij lah jieijâs siskáldâs teikkâ main láá tuše liiŋkah.
4. Puástu proojeekt. Siijđoh, moh iä lah tiätusänikirje-artikkâleh. Wikipedia uábbihavváid puáhtá rähtiđ jieškote-uvlágán siskáldâs.
5. Ij merhâšittee. Ovdâmerkkân artikkâl persovnist, muusikjuávhust teikkâ WWW-savâstâllâmkuávlust, mii ij lah merhâšittee ige lah uážžum ennuv almolâšvuođâ. Tuše čielgâsávt ij-merhâšittee artikkâlijd puáhtá sikkođ Wikipediast tállân savâstâlhánnáá ääšist. Läivibijn tábáhtusâin kalga jo-uv savâstâllâđ merhâšitteevuođâst teikkâ tuálvuđ ääši sikkomjienâstmân.
6. Puško lii kyeli. Siijđoh, moh siskeldeh tuše ääši, mii lii jo valmâšin čielgâs (puško lii kyeli, Lech lii juuhâ) já moid ij lah lasettum kuávdášlâš tiätu jándur siste Myenster:Tl -myenster lasseetmist.

Stivriimeh

Koodipuustav S.

1. Nommâkomovuođâ paijeel mannee stivrim. Sierâ nommâkomovuođâi koskâsâš stivrim.
2. Feilâlâš teikkâ taarbâšmettum stivrim. Stivrim, mii stivree siijđon, mii ij lah, teikkâ stivrim, mon äššiohtâvuotâ ij lah čielgâs: ovdâmerkkân Bnaan, mii stivriiččij artikkâlân Baanaan. Taat kuáská meid taarbâšmettum stivriimáid, ovdâmerkkân siijđoi sirdemist pááccám savâstâllâmsijđostivriimáid, main ij lah liŋkkâ savâstâllâmsiijđon teikkâ liŋkkâ lii iänááš vyerkkejum savâstâllâmsiijđo liŋkkâ. Jis stivrim kiävttoo artikkâlijn, te ovdil stivrim sikkom kalga tivvoođ taid artikkâlijd nuuvt ete toh čujotteh njuolgist tohon, kuus stivrim taid stivrij. Stivrim kevttee artikkâleh kávnojeh "Teehin čujotteijee siijđoh" -liiŋkâst.

Tiätuvuárháh

Koodipuustav T.

Jis haalijd meddâlistiđ tiätuvuárháid, moh iä teevdi vyelni leijee sikkomsuujâi iävtuid, te ääšist puáhtá savâstâllâđ sierâ sikkomsavâstâlmist.

1. Taarbâšmettum tiätuvuárkká. Tiätuvuárháh, moh iä lah kiävtust teikkâ moh láá hyenes kopioh eres tiätuvuárhást. Taat siskeeld meid tiätuvuárháid, moh iä lah koveh teikkâ videoh já main iä lah tiätusänikirje- teikkâ proojeektmuđusâš kevttimtárguttâs.
2. Korruptistum teikkâ kuárus tiätuvuárkká.
3. Puástu teikkâ Wikipedian sopâmettum liiseens. Tiätuvuárháh, moh láá lisensistum puástud já moi liiseens iä lah tivvoom kuáhtulâš ääigist huámášuttem maŋa.
4. Epičielgâ tiätuvuárkkátiäđuh. Tiätuvuárháh, moi kevttimvuoigâdvuođah láá epičielgâseh já maid iä lah tivvoom kuáhtulâš ääigist huámášuttem maŋa.
5. Kevttimettum siitaatkove. Koveh, main iä lah rijjâ lisenseh já moh iä lah kiävtust.
6. Kištâlemvuálásiih tiätuvuárkkátiäđuh
7. Feilâlâš tahheevuoigâdvuotâlaavâ siitaatvuoigâdvuođâ agâstâllâm. Ovdâmerkkân čáittukoveh, moh láá kevttum tuše artikkâl herviimân.
8. Commonsân sirdum tiätuvuárkká. Sirdem ohtâvuođâst uárbisin pááccám tiätuvuárhái savâstâllâmsiijđoid puáhtá sikkođ.
9. Ij lope ađai ij kevttimvuoigâdvuotâ. Koveh, moh láá almostittum lisensáin, mon Wikipedia ij tuárju, teikkâ moid láá oskottâm, ete lii lope, mutâ lii tastoo čaittâšum, ete ij lekken.

Luokah

Koodipuustav L.

Jis haalijd meddâlistiđ luokkaid, moh iä teevdi vyelni leijee sikkomsuujâi iävtuid, te puáhtá algâttiđ savâstâlmân vuáđudum sikkomvuáháduv (savâstâllâm luoka merhâšitteevuođâst teikkâ sikkomsavâstâlmist luoka tárbulâšvuođâst teikkâ máhđulávt vijđásub savâstâllâm kähvivisteest luokai pyereeb orniimist).

1. Kuárus luokka.

   Jis luokka lii ulmemiäldásávt kyerrejum ton tááhust, ete ton nommâ muttoo já siijđoh láá sirdum uđđâ luokan, te kiävttoo sikkomsuijâ "Uđđâsist nomâttum luokka".

2. Uđđâsist nomâttum luokka.

   Mušte merkkiđ lasetiättun uđđâ luoka noomâ sikkomagâstâlmân ovdâmerkkân návt: {{Häppilissikkom|[[:Luokka:UĐĐÂ LUOKA NOMMÂ]]|L2}}.

3. Ij merhâšittee luokka. Luokka, mii lii pahudum merhâšitteevuotâsavâstâlmist ij-merhâšitten teikkâ sikkomsavâstâlmist taarbâšmettumin.

Kevtteesiijđoh

Koodipuustav K.

Kevtteesiijđoh, moh iä teevdi vyelni leijee sikkomsuujâi iävtuid já maid kevttee jieš ij táátu sikkomnáál (kj. G7), kuáđđojeh sikkomhánnáá. Anarâškielâlâš Wikipediast iä lah eres vuáđustâsah kevtteesiijđoi sikkomân ko taah sikkomsuujah.

1. Ij kevttee. Kevtteesiijđoh, moi västideijee kevtteetubdâldâh ij lah lemin já moh iä lah ovdâmerkkân uđđâsiststivriimeh tubdâlduv molsom vuáđuld. Taat kuáská meiddei IP-čujottâsâi kevtteesijđoid.
2. Kevtteesijđovuáháduv vuástásâš. Kevtteesiijđoh, moh rikkoh tuođâlávt kevtteesijđovuáháduv.
3. Kevttee lii estum avalávt.

Myenstereh

Koodipuustav M.

Jis haalijd meddâlistiđ myensterijd, moh iä teevdi vyelni leijee sikkomsuujâi iävtuid, te kalga algâttiđ sierâ savâstâllâm myenster sikkomist (savâstâllâm merhâšitteevuođâst teikkâ tárbulâšvuođâst).

1. Feilâlâš tiätusiskáldâs. Myenstereh, moi tiätusiskáldâs lii feilâlâš, ij lah neutraal, láá mudoi hyeneeht organisistum teikkâ láá hyeneeht räijejum.
2. Taarbâšmettum myenster. Myenstereh, main ij lah ävkki teikkâ moh tuáimih masa siämmáánáál ko mottoom eres myenster.
3. Ij-merhâšittee myenster. Myenstereh, moh láá pahudum merhâšitteevuotâsavâstâlmist ij merhâšitten.

Teemasiijđoh

Jis haalijd sikkođ tagarijd teemasiijđoid, moh iä teevdi almolijd teikkâ artikkâláid miäruštâllum häppilissikkom iävtuid, te sikkomist já teemasiijđo tárbulâšvuođâst kalga algâttiđ sierâ sikkomsavâstâllâm.

Eres ääših

Internet uuccâmmašineh (ovdâmerkkân Google já Bing) láá ávháliih tyejiniävuh tahheevuoigâdvuotârikkomušâi, merhâšitteevuođâ já kompâlâššâm tutkâmân.

Haldâšeijeeh kävnih tállân sikkomnáál merkkejum siijđoid já tiätuvuárháid luokkaast Häppilissikkom.

HUÁM: Ko tun merkkiih siijđo tállân sikkomnáál, te čääli tárbu mield meiddei agâstâllâm tast, mondiet siijđo kalga sikkođ Wikipediast.