Ullava

Ullava lii oovdiš kieldâ Suomâst, Koskâ-Pohjanmaa eennâmkoddeest. Tot lohtui Kokkola kaavpugân ive 2009 aalgâst. Ive 2008 loopâst Ullavast assii 1 003 olmožid, já ton vijđodâh lâi 176,90 km², mast 14,40 km² lâi čääci. Ullava naaburkieldah lijjii Halsua, Kaustinen já Kälviä.

Ullava Oovdiš kieldâ
Ullava kirkko
Staatâ	Suomâ
Eennâmkodde	Koskâ-Pohjanmaa
Tááláš kieldâ	Kokkola
Vuáđudum	1909
Lopâttum	2009
Vijđodâh	176,90 km² (1.1.2008)
– eennâm	162,50 km² (91,9 %)
– sisčääci	14,40 km² (8,1 %)
Ässeeloho	1 003 (31.12.2008)
Ässeesaahâdvuotâ	6,17 ässed/km² (31.12.2008)

Kieldâlahtem

Kokkola kieldâlahtemeh iivij 1977 já 2009.

Lohtaja, Kälviä já Ullava váldustiivrah meridii kieldâlahtemist Kokkolain juovlâmáánu 3. peeivi ive 2007, já kieldah lahtojii Kokkolan uđđâivemáánu 1. peeivi 2009.

Kieldâlahtem maŋa šoodâi paijeel 45 000 ässee kaavpug, mon nommâ lii Kokkola. Ton vaakunin šoodâi Kokkola tááláš vaakun.

Tastko Lohtaja, Kälviä já Ullava lijjii suomâkielâliih kieldah já Kokkola lâi kyevtkielâlâš (suomâkielâ eenâblovokiellân), te Kokkola ruotâkielâlij ässei meeri kiäppánij mottoom verd, mut kieldâ pisoi kuittâg kyevtkielâlâžžân. Kokkola lii Suomâ tavemus kyevtkielâlâš kieldâ.

Siijdah

Alikylä, Haapasalo, Haapala, Hanhisalo, Herlevi, Honkala, Jääskä, Kallinki, Korpi, Länttä, Neverbacka, Norppa, Rahkonen, Sepänkylä, Törbacka, Ullava markkân já Viitasalo.

Tobdos Ullavaliih

• Risto Ala-Korpi, almosvalastâllee
• Lauri Kaunisvesi, jáágárluutnant
• Jarkko Koski-Vähälä, säittišlivgejeijee
• Väinö Viitasalo, kanttor
• Veikko Vionoja, taaiđâmáálár