Tor Øyvind Syvertsen
| Tor Øyvind Syvertsen | |
|---|---|
| Persovntiäđuh | |
| Šoddâm | porgemáánu 15. peeivi 1962 |
| Šoddâmsaje | Stavanger, Taažâ |
| Jáámmám | skammâmáánu 7. peeivi 2022 Ålgård, Taažâ |
| Aalmugjeessânvuotâ |  NOR
|
| Musikkár | |
| Lávlumkielah | stavangertárukielâ, tárukielâ |
| Čuojânâsah | kiitaar |
|
| |
Tor Øyvind Syvertsen (porgemáánu 15. peeivi 1962, Stavanger, Taažâ – skammâmáánu 7. peeivi 2022, Ålgård, Taažâ)[1] lâi taažâ kitarist. Sun čuojâttij el. taažâin muusikjuávhuin Mods já The September When.
Karrieer
muteSyvertsen seervâi stavangerlii Mods-muusikjuávkun ive 1981 juávhu vuosâalbum Revansj almostittem maŋa. Sun čuojâttij kiitaar juávhust ton räi ko Mods pieđgânij ive 1983.
Ive 1987 Syvertsen já kyehti Mods-juávhu jesânijn (Morten Abel já Helge Hummervoll) vuáđudii uđđâ muusikjuávhu The September When. Sun čuojâttij kiitaar juávhu siämmáánommâsii vuosâalbumist. Kiđđuv 1990 suu sajan poođij nubbe taažâ kitarist, Morten Mølster.
Veikkâ Mods-juávkku pieđgânij jo ive 1983, juovlâmáánust 2011 juávhu jesâneh meridii orniđ čuávuváá kesimáánust comeback-konsert.[2] Stavanger Viking-stadion konsertliipuh vuábdojii loopân, já 25 000 olmožid pottii kuldâliđ juávhu.[3] Konsert päddejui já siämmáá ive almostui konsertist livealbum.[4]
Diskografia
muteMods
mute- 1982 – Amerika
- 1992 – Originaler
- 2006 – Gje meg litt merr – de beste
- 2012 – Live Viking Stadion 9. juni 2012
The September When
mute- 1989 – The September When
- 1996 – Absolute The September When – Prestige de la Norvegè 1989–96
- 2002 – The Best of TSW
- Singleh
- 1989 – Mortal/Feeling of Flying
- 1990 – Everything Goes for Believers/When I Drive
Eres skiäruh
muteTon lasseen sun lâi meid fáárust čuávuváin skiäruin:
- 1996 – Susanne V.: Who Are You?
- 1998 – Odd Vegard Sunnanå: Vegard
- 2001 – Susi Varming: Barefoot in the Snow
Käldeeh
mute- ↑ Tor Øyvind Syvertsen Verdens Gang (VG). Čujottum 18.11.2022. (tárukielân)
- ↑ Maren Berge: Mods-gjenforening på Stadion NRK. 14.12.2011. Čujottum 18.11.2022. (kirjetárukielân)
- ↑ Eirin Larsen: Morten Abel lekte seg på stadion NRK. 9.6.2012. Čujottum 18.11.2022. (kirjetárukielân)
- ↑ Eirin Larsen: Nytt album fra Mods – 28 år etter NRK. 29.6.2012. Čujottum 18.11.2022. (kirjetárukielân)
