Kyösti Kallio: Iäruttâs siijđo versioi kooskâst

[[Tiätuvuárkká:Kyösti Kallio.jpg|thumb|Kyösti Kallio]]

 

== Tuávváš ==

Kyösti Kallio šoodâi [[cuáŋuimáánu 10.]] peeivi [[1873]] [[Ylivieska]]st stuorrâ perruu kuálmádin párnážin. Suu vaanhimeh láin eennâmviljâleijee Mikko Kallio já Beata Knuutila. 12-ihásâžžân Kallio varrij eeji uárbimpele, Anttuuna Kangas, kuuvl. Sun valmâštui [[Raahe]] koskâškoovlâst já jođeškuođij luvâttuv [[Oulu]]st. Sun ij kuittâg valmâštum pajeuáppen, pic sust šoodâi Anttuuna Kangas táálui iššeed, já sun poorgâi eennâmtuálust masa ubâ elimis. Kallio naajâi Kaisa Nivalain ive [[1902]] já sunnui šoddii ohtsis kuttâ párnáá, kyehti alge já nelji nieidâ.<ref name="sp">[https://suomenpresidentit.fi/kallio/ Suomen presidentit] Čujottum 26.2.2021 <small>(suomâkielân)</small></ref>

 

== Pooliitlâš karrieer ==

Kallio väljejui ovdâsteijen staatâpeivijd ive [[1904]]. Sun tooimâi meid ive [[1906]] vuáđudum Viljâleijeelito haldâttâsâst. Kallio lâi tergâdis tahhee [[Suomâ]] jiečânâsvuođâ tuávváást. Sun tooimâi 15 kerdid ovdâskode sahâalmajin, kulmii eennâmtuáluministerin já neljii uáiviministerin. Kallio väljejui [[Suomâ täsivääldi president]]in ive [[1937]]. Presidentin sun halijdij ovdediđ tave-eennâmlii ovtâspargo sehe [[Suomâ]] já [[Sovjetlitto|Sovjetlito]] koskâsijd koskâvuođâid. [[Tälvisuáti|Tälvisuáđi]] ääigi já suáđi maŋa Kallio irâttij ruákášiđ aalmug. Suu tiervâsvuotâ kuittâg huánánij jo suáđi ääigi já sun iäránij president tooimâst [[skammâmáánu 27.]] peeivi [[1940]]. Ovdâskodde valjij čuávuvâš presidentin [[Risto Ryti]] [[juovlâmáánu 19.]] peeivi.<ref name="sp"/> Kallio finnij váimuinfarkt siämmáá peeivi já jaamij [[Helsig]] ryevdirađesajattuvâst.<ref>[https://www.helsinginuutiset.fi/paikalliset/1699474 Helsingin Uutiset] Čujottum 26.2.2021<small>(suomâkielân)</small></ref>

 

{{Suomâ presidenteh}}