Tiettuu termâpaŋkki

Tiettuu termâpaŋkki (suomâkielân Tieteen termipankki, ruotâkielân Vetenskapstermbanken i Finland já eŋgâlâskielân The Helsinki Term Bank for the Arts and Sciences), uán. TTP lii ive 2012 vuáđudum maaŋgâkielâsâš já -tieđâlâš terminologisâš nettitiätuvuáđu. Tiätuvuáđu paijeentuálloo Helsig ollâopâttuv humanistlii tieđâkoddeest. Haavâ ruttâdeh Suomâ Akatemia já Helsig ollâopâttâh.

Anarâškielâ termâpaaŋkist

Termâpaaŋkin puáhtá lasettiđ vástádâsâid tuáváduvváid. Roovvâdmáánu 14. peeivi 2024 tiettuu termâpaaŋkist lijjii 144 anarâškielâg nomâttâssâd. Täin iänááš láá kielâtieđâliih teikkâ jurgâlemtieđâliih nomâttâsah. Toos lasseen termâpaaŋki kevttimlohtâ lii uásild anarâškielân, tastko termâpaaŋki vuáđđun lii MediaWiki, mii lii jurgâlum anarâškielân anarâškielâlâš Wikipedia várás.

Kirjálâšvuotâ

• Käkelä-Puumala, Tiina: Kirjallisuudentutkimuksen yhteinen termitietokanta kaikkien ulottuville. Avain, 2014, nro 4, s. 81–84. Helsinki: Kirjallisuudentutkijain seura. ISSN 1795-3790.
• Pitkänen-Heikkilä, Kaarina & Salo, Vanamo 2015. Tieteen termipankki tarvitsee kasviharrastajia. Lutukka 2/2015: 45–48.

Fáádást eres soojijn

• Tiettuu termâpaŋkki
• Anarâškielâg teermah Tiettuu termâpaaŋkist