The Rise and Fall of Ziggy Stardust and the Spiders from Mars
| The Rise and Fall of Ziggy Stardust ad the Spiders from Mars David Bowie | ||
|---|---|---|
| Studioalbum tiäđuh | ||
| Päddejum | čohčâmáánu 9. peeivi 1971 – uđđâivemáánu 18. peeivi 1972 | |
| Studio | Trident Studio, Lontoo | |
| Almostittum | kesimáánu 6. peeivi 1972 | |
| Formaat | LP, CD | |
| Pyevtitteijee(h) | David Bowie, Ken Scott | |
| Šlajâtijppâ | glam rock | |
| Pištem | 38.37 | |
| Skiärrufinnodâh | RCA Records | |
| Listosajaduvah | ||
| ||
| David Bowie eres almostitmeh | ||
| Hunky Dory 1971 |
The Rise and Fall of Ziggy Stardust and the Spiders from Mars 1972 |
Aladdin Sane 1973 |
The Rise and Fall of Ziggy Stardust and the Spiders from Mars teikâ tuše Ziggy Stardust lii eŋlandlâš musikkár David Bowie konseptalbum já viiđâd studioalbum, mii almostui Britanniast kesimáánu 6. peeivi 1972. Bowie kulostui album mield, já tast šoodâi ohtâ suu karrieer merhâšitteemuin skiäruin. Album genre lii glam rock.
Album pyeremus saje Britannia listoost lâi viiđâd saje syeinimáánust 1972. Suomâst album lâi listo kuuđâd čohčâmáánust 1972. Ive 1997 album sajostittui 20. pyeremusân albumân HMV, Channel 4, The Guardian já Classic FM Music of the Millennium -jienâstmist. Album tobdosumos pittá "Starman" almostui singlen cuáŋuimáánu 28. peeivi b-peelinis "Sufragette City". Pittá pajanij Britannia singlelisto sajan 10. Pitá miänástus mield Bowie peesâi lávdástiđ tom pivnohis Top of the Pops -televisio-ohjelmân.
Skiäru lokkekove vaaldij Brian Ward -nommâsâš čuovâkovvejeijee kolmâ já arvaas iijâ Lontoost čujottâsâst 23 Heddon Street. Saajeest lii šoddâm Bowie fanij kooskâst masa possijdvajâldemsaje. Kove lâi algâalgâlávt čapisvielgâd, mut tom ivnejii maŋeláá.
Bowie raahtij album várás alter ego Ziggy Stardust, kii lâi komovuođâst Eennâmpáálun puáttám rocktäsni. Ziggy-huáđđost Bowie keevtij iššeen jaapaanlâš kabuki- já nō-teatter, pantomiim sehe androgyynlâšvuođâs, moos kullii smiŋkkâ, ruopsis vuoptah sehe šiälgájeijee pihtâseh. Media kritisistij huáđđoo kopion ameriiklâš glam rock -juávkku Alice Cooperist já irâttij rähtiđ taggaar kove, ete Cooper já Bowie láin riijdost Bowie huáđđoo tiet. Bowie lâi ovdil Ziggy-huáđđoos keksim lamaš Alice Cooper konsertist já uáinám tobbeen androgyynlii já čalmesmiiŋkâ kevttee Cooper teatraallâš lávdástem já lâi lijkkuum toos. Bowie oovdeb manager Tony Zanetta mield Bowie lâi uáli kaađâš Alice Cooperân, tastko ij keksim jurduu ovdil.
Pitáh
mute| Num. | Nommâ | Kukkodâh |
|---|---|---|
| 1. | "Five Years" | 4.42 |
| 2. | "Soul Love" | 3.33 |
| 3. | "Moonage Daydream" | 4.37 |
| 4. | "Starman" | 4.16 |
| 5. | "It Ain't Easy" | 2.57 |
| Num. | Nommâ | Kukkodâh |
|---|---|---|
| 6. | "Lady Stardust" | 3.21 |
| 7. | "Star" | 2.47 |
| 8. | "Hang on to Yourself" | 2.38 |
| 9. | "Ziggy Stardust" | 3.13 |
| 10. | "Sufragette City" | 3.25 |
| 11. | "Rock ’n’ Roll Suicide" | 2.57 |
| Ohtsis: | 38.26 | |
Čuojâtteijeeh
mute- David Bowie – laavlâ, kiitaar, saksofon
- Mick Ronson – kiitaar, tuávvášlaavlâ, piano
- Trevor Bolder – basso
- Woody Woodmansey – ruumbuh
- Dana Gillespie – tuávvášlaavlâ pittáást "It Ain't Easy"
